തമിഴ്‌നാട്ടിൽ പൊങ്കൽ ആഘോഷത്തിന് കുടിച്ചു തീർത്തത് 454 കോടി രൂപയുടെ മദ്യം

ചെന്നൈ: പൊങ്കൽ ആഘോഷങ്ങൾ തമിഴ്നാട്ടുകാർ പൊടി പൊടിച്ചു. രണ്ടു ദിവസം കൊണ്ട് പൊങ്കലിന് കുടിച്ചു തീർത്തത് 454 കോടി രൂപയുടെ മദ്യമാണ്. തമിഴ്നാട്ടിലെ ടാസ്മാക് മദ്യശാലകളിലൂടെയാണ് ഇത്രയധികം മദ്യം വിറ്റുപോയത്. ബോ​ഗി പൊങ്കൽ ദിനമായ തിങ്കളാഴ്ച മാത്രം വിറ്റഴിച്ചത് 185.65 കോടിയുടെ മദ്യവും തൈപ്പൊങ്കൽ ദിനമായ 14 ന് 268.46 കോടിയുടെ മദ്യവുമാണ് വിറ്റത്. കഴിഞ്ഞ വർഷം 450 കോടിയുടെ മദ്യമാണ് വില്പന നടത്തിയിരുന്നത്. പൊങ്കൽ കഴിഞ്ഞ ഉടൻ തമിഴ്‌നാട്ടിൽ ജല്ലിക്കെട്ട്, മഞ്ചുവിരട്ട് ആഘോഷങ്ങളും നടക്കുന്നുണ്ട്. ഇത് കൂടി കഴിയുമ്പോൾ നിലവിലെ മദ്യ വില്പന ഇരട്ടിയാകുമെന്നാണ് റിപ്പോർട്ടുകൾ.