ഏഴര കിലോ ചന്ദനവുമായി അറസ്റ്റിൽ

പരിയാരം : ഏഴര കിലോ ചന്ദനവുമായി പ്രതി അറസ്റ്റിൽ.കാരക്കുണ്ടിലെ എണ്ണക്കുടം പൂവത്തിൽവീട്ടിൽ ഇ.സി. ബിജു (50)വിനെ തളിപ്പറമ്പ് ഫോറസ്റ്റ് റേഞ്ച് ഓഫീസറുടെ നേതൃത്വത്തിലുള്ള സംഘം അറസ്റ്റ് ചെയ്‌തത്‌.

സ്പെഷ്യൽ ഡ്യൂട്ടി സെക്‌ഷൻ ഫോറസ്റ്റ് ഓഫീസർ സി. പ്രദീപൻ, ബീറ്റ് ഫോറസ്റ്റ് ഓഫീസർമാരായ പി.പി. രാജീവൻ, എം. വീണ, കരാമരംതട്ട് സെക്‌ഷനിലെ ബീറ്റ് ഫോറസ്റ്റ് ഓഫീസർമാരായ കെ.വി. മുഹമ്മദ് ഷാഫി, എം.കെ. ജിജേഷ്, വാച്ചർമാരായ ഷാജി ബക്കളം, ശ്രീകുമാർ എന്നിവർ അടങ്ങുന്ന സംഘമാണ് ഇയാളെ പിടിച്ചത്. അറസ്റ്റിലായ പ്രതിയെ കോടതിയിൽ ഹാജരാക്കി.