ബെംഗളൂരുവിൽ നിന്ന് ലഹരിക്കടത്ത് ; എംഡിഎംഎയുമായി രണ്ട് യുവാക്കൾ അറസ്റ്റിൽ

കൊല്ലം : പുതുവർഷ ആഘോഷങ്ങൾക്കായി ബെംഗളൂരുവിൽ നിന്നും കൊണ്ടു വന്ന 45 ഗ്രാം എംഡിഎംഎയുമായി രണ്ടു യുവാക്കളെ ഈസ്‌റ്റ് പൊലീസ് പിടികൂടി. കേരളപുരം മാമൂട് അനസ് മൻസിലിൽ ആഷിക്(22), കൊറ്റങ്കര വേങ്കോണം പുത്തൻകുളങ്ങര ജസീല മൻസിലിൽ അൻവർ(20) എന്നിവരെയാണ് അറസ്‌റ്റ് ചെയ്ത‌ത്‌.

പൊലീസ് സംഘത്തെ കണ്ട് കർബല ജംക്‌ഷന് സമീപത്തുള്ള റെയിൽവേ മേൽപാലത്തിന് അടിയിലേക്ക് പതുങ്ങി നിന്ന യുവാക്കളെ കണ്ട് സംശയം തോന്നി ചോദ്യം ചെയ്യുകയായിരുന്നു. ഈസ്റ്റ‌് ഇൻസ്പെക്‌ടർ അനിൽകുമാർ, എസ്ഐമാരായ ഷബ്ന സവിരാജ്, എഎസ്ഐ സതീഷ്കുമാർ, സിപിഒമാരായ സുനേഷ്, ദീപക്, ലിനേഷ്, ഡാൻസാഫ് എസ്ഐ രാജേഷ്, ബൈജു ജെറോം, ഹരിലാൽ, എസ്‌സിപിഒ മാരായ സുനിൽ, സജു, സീനു, മനു, ശ്രീജു, സാജ്, ജോജിൽ എന്നിവരടങ്ങുന്ന പൊലീസ് സംഘമാണ് പ്രതികളെ അറസ്റ്റ് ചെയ്തത്.