ലഖ്നൗവിലെ പ്രമുഖ ഹോട്ടലുകൾക്ക് നേരെ ബോംബ് ഭീഷണി

ലഖ്നൗ: ലഖ്നൗവിലെ പ്രമുഖ ഹോട്ടലുകൾക്ക് ബോംബ് ഭീഷണി സന്ദേശം. ‘നിങ്ങളുടെ ഹോട്ടലിൻ്റെ പരിസരത്ത് ബോംബുകൾ കറുത്ത ബാഗുകളിൽ ഒളിപ്പിച്ചിരിക്കുന്നു. എനിക്ക് 55,000 ഡോളർ വേണം, അല്ലെങ്കിൽ ഞാൻ സ്ഫോടനം നടത്തും, രക്തം എല്ലായിടത്തും പരക്കും.ബോംബുകൾ നിർവീര്യമാക്കാനുള്ള ഏത് ശ്രമവും പൊട്ടിത്തെറിക്കു കാരണമാകും. പണം നൽകാൻ എന്റെ ഇമെയിൽ വിലാസത്തിൽ എന്നെ ബന്ധപ്പെടുക. സന്ദേശത്തിൽ പറയുന്നു. 10 ഓളം ഹോട്ടലുകൾക്കാണ് ഞായറാഴ്‌ച ഇമെയിലുകൾ വഴി ബോംബ് ഭീഷണികൾ ലഭിച്ചത്.ഇതിനെത്തുടർന്ന് സുരക്ഷാ ഉദ്യോഗസ്ഥരെ ആ ഹോട്ടലുകളുടെ പരിസരത്ത് വിന്യസിച്ചു.