വിവാഹ വാഗ്ദ‌ാനം നൽകി യുവതിയെ പീഡിപ്പിച്ച യുവ ഡോക്‌ടർ അറസ്റ്റിൽ

ആലപ്പുഴ: തിരുവനന്തപുരം സ്വദേശിനിയായ യുവതിയെ വിവാഹ വാഗ്ദ‌ാനം നൽകി ഒരുവർഷമായി പീഡിപ്പിച്ചുവന്ന തമിഴ്‌നാട് മധുര സ്വദേശി ഡോ. കേശവ് രമണയെ (28) ആലപ്പുഴ നോർത്ത് പൊലീസ് സ്റ്റേഷനിലെ പ്രത്യേക അന്വേഷണ സംഘം തമിഴ്നാട്ടിൽനിന്നും അറസ്റ്റ് ചെയ്‌തു. ആലപ്പുഴയിലെ സ്വകാര്യ സ്ഥാപനത്തിൽ ഇരുവരും ഒരുമി ച്ച് ജോലി ചെയ്തിരുന്ന കാലത്താണ് കേസിനു ആസ്‌പദമായ സംഭവം നടന്നത്.മറ്റൊരു പെൺകുട്ടിയുമായി വിവാഹം ഉറപ്പിച്ചിരുന്ന വിവരം മറച്ചുവെച്ച് തിരുവനന്തപുരം സ്വദേശിനിയെ വിവാഹവാഗ്ദാനം നൽകി പീഡിപ്പിച്ചുവരുകയായിരുന്നു. ജോലി ഉപേക്ഷിച്ചു നാടുവിട്ട് തമിഴ്നാട്ടിലെ വിവിധ സ്ഥലങ്ങളിലായി ഒളിവിൽ കഴിഞ്ഞിരുന്ന പ്രതിയെ നോർത്ത് സി.ഐ സജികുമാറിൻ്റെ നേതൃത്വത്തിൽ എസ്.ഐ ദേവിക, സുഭാഷ്, വിനു, ലവൻ, സുജിത് എന്നിവർ അടങ്ങുന്ന അന്വേഷണ സംഘമാണ് അറസ്റ്റ് ചെയ്തത്. പ്രതിയെ റിമാൻഡ് ചെയ്തു.