ഇടിമിന്നലേറ്റ് കൂറ്റൻ മരം കത്തി

മാങ്കുളം : ശക്തമായ ഇടിമിന്നലിൽ കൂറ്റൻ മരം കത്തി നശിച്ചു.അടിമാലി കുരിശുപാറയ്ക്ക് സമീപമാണ് മരത്തിന് തീ പിടിച്ചത്.

ചൊവ്വാഴ്ച ഉച്ചയ്ക്ക് ശേഷമായിരുന്നു സംഭവം നടന്നത്. കുരിശുപാറയ്ക്ക് സമീപം കല്ലാർവാലി എസ്റ്റേറ്റിന്റെ ഭാഗമായ ഏലത്തോട്ടത്തിൽ നിന്നിരുന്ന വലിയ മരത്തിലാണ് തീ പടർന്നത്.

ഉൾവശം പൊള്ളയായ മരത്തിന്റെ മുകൾഭാഗത്തായാണ് കത്തിപിടിച്ചത്. സംഭവത്തെ തുടർന്ന് അടിമാലിയിൽ നിന്ന്‌ അഗ്നിരക്ഷാ സേന സ്ഥലത്തെത്തി തീയണച്ചു. കല്ലാർ മാങ്കുളം റോഡ് കടന്നുപോകുന്നതിന് തൊട്ടരികിൽ നിന്നിരുന്ന മരത്തിലാണ് ഇടിമിന്നലേറ്റത്.