മരം കടപുഴകി വീണ് ഓട്ടോറിക്ഷ ഡ്രൈവർക്ക് പരിക്ക്

അഞ്ചൽ : ചണ്ണപ്പേട്ട ഭാഗത്ത് മരം കടപുഴകി ഓട്ടോറിക്ഷയുടെ മുകളിലൂടെ വീണു. ചൊവ്വാഴ്ച വൈകീട്ടുണ്ടായ ശക്തമായ കാറ്റിലും മഴയിലുമാണ് അപകടം ഉണ്ടായത്.

ഡ്രൈവർ സനോജിന്റെ തലയ്ക്ക് പരിക്കേറ്റു. വൈദ്യുത ലൈനിന്റെ മുകളിലൂടെ റോഡിനു കുറുകേയാണ് ആഞ്ഞിലിമരം വീണത്. നാട്ടുകാർ എത്തി മരം മുറിച്ചുമാറ്റി. പ്രാദേശത്തെ ഗതാഗതം പുനഃസ്ഥാപിച്ചു.