വിനോദസഞ്ചാരമേഖലയിൽ യുവതിക്കുനേരെ ലൈംഗികാതിക്രമം; യുവാവ് അറസ്റ്റിൽ

വടകര: വിനോദസഞ്ചാരമേഖലയിൽ യുവതിക്കുനേരെ ലൈംഗികാതിക്രമം നടത്തിയ കൊല്ലം ശാസ്‌താംകോട്ട ആയിക്കുന്നം അർഷാനാ മൻസിലിൽ അൻവർഷാ(23) യാണ് അറസ്റ്റിലായത്.ഞായറാഴ്ച്‌ച പുലർച്ച ഒന്നേകാലിന് ഹെലിപ്പാഡ് കൊച്ചുവിളമുക്കിന് സമീപത്താണ് സംഭവം. കൂട്ടുകാരിയുടെ വിവാഹ നിശ്ചയത്തിനെത്തിയതായിരുന്നു യുവതിയും സുഹൃത്തും. ഇവർ താമസിച്ചിരുന്ന റിസോർട്ടിന് സമീപത്തുവച്ച് മദ്യലഹരിയിലായിരുന്ന അൻവർഷാ യുവതിക്കുനേരേ ലൈംഗികാതിക്രമം നടത്തുകയായിരുന്നു.ബൈക്കിൽ രക്ഷപ്പെടാൻ ശ്രമിച്ച പ്രതിയെ പ്രദേശത്ത് പട്രോളിങ് ഡ്യൂട്ടിയിലുണ്ടായിരുന്ന പോലീസ് സംഘം പിന്തുടർന്ന് പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.