‘ഉയരാം പറക്കാം’ പദ്ധതി ഉദ്ഘാടനം 18ന്

കണ്ണൂർ : കണ്ണൂർ ജില്ലാ പഞ്ചായത്ത് സ്‌കൂളുകളിൽ നടപ്പാക്കുന്ന ‘ഉയരാം പറക്കാം’ പദ്ധതിയുടെ ഉദ്ഘാടനം ചെറുതാഴം ഗവ. ഹൈസ്‌കൂളിൽ ഒക്ടോബർ 18ന് രാവിലെ 11ന് പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി നിർവഹിക്കും.

ജില്ലാ പഞ്ചായത്തിന് കീഴിലെ എല്ലാ സ്‌കൂളുകളിലുമായി പതിനായിരം പെൺകുട്ടികൾക്ക് സ്‌കിപ്പിംഗ് റോപ്പ് നൽകുന്നതാണ് പദ്ധതിയെന്ന് ജില്ലാ പഞ്ചായത്ത് പ്രസിഡന്റ് പി പി ദിവ്യ അറിയിച്ചു. പെൺകുട്ടികളുടെ ആരോഗ്യം മെച്ചപ്പെടുത്താനും വ്യായാമം പ്രോത്സാഹിപ്പിക്കുന്നതിനുമായാണ് പദ്ധതി നടപ്പിലാക്കുന്നത്.