നടന്‍ ബാബുരാജിനെതിരേ ലൈംഗികപീഡനത്തിന് ജൂനിയര്‍ ആര്‍ട്ടിസറ്റ് പരാതി നൽകി

കൊച്ചി: നടന്‍ ബാബുരാജിനെതിരേ ജൂനിയര്‍ ആര്‍ട്ടിസ്റ്റിന്റെ നൽകിയ ലൈംഗികാരോപണ പരാതിയിൽ പോലീസ് കേസെടുത്തു . സിനിമയില്‍ അവസരം തരാം എന്ന് പറഞ്ഞ് ബാബുരാജ് ആലുവയിലെ വീട്ടില്‍ കൊണ്ടുപോയി ബലാത്സംഗം ചെയ്തുവെന്നും അതുപോലെ ഈ ദുരവസ്ഥ മറ്റു പെണ്‍കുട്ടികള്‍ക്കും ഉണ്ടായിട്ടുണ്ടെന്നുമാണ് പരാതിക്കാരി ആരോപിച്ചത് .

എന്നാൽ ഇതിനെതിരെ ശക്തമായി എതിർത്ത് കൊണ്ട് ബാബുരാജ് പ്രതികരിച്ചു . താൻ സംഭവം നടന്നുവെന്ന് പറയുന്ന 2019 ല്‍ മൂന്നാറില്‍ ആയിരുന്നുവെന്നും . തന്റെ ആലുവയിലെ വീട് താമസിക്കാൻ പറ്റാത്ത അവസ്ഥയായതിനാൽ കോവിഡ് സമയത്താണ് വീട് നന്നാക്കി അവിടേയ്ക്ക് താമസം മാറ്റിയതെന്നും ബാബുരാജ് പറഞ്ഞു .അതേസമയം,അടുത്ത അമ്മയുടെ ജനറല്‍ സെക്രട്ടറിയായി താൻ വരുന്നതിൽ സംഘടനയുമായി ബന്ധപ്പെട്ടവരെ തളര്‍ത്തുകയാണ് ഈ ആരോപിതരുടെ ലക്ഷ്യമെന്നും , അതുകൊണ്ടു ആരോപണങ്ങളില്‍ കഴമ്പില്ലയെന്നും താരം പ്രതികരിച്ചു .