വിക്രം ചിത്രം ‘തങ്കലാൻ’ 100 കോടി ക്ലബിൽ ഇടം നേടി

ചെന്നൈ : വിക്രമിനെ നായകനാക്കി സംവിധായകൻ പാ രഞ്ജിത് ഒരുക്കിയ ബിഗ് ബജറ്റ് തമിഴ് ചിത്രം തങ്കലാൻ 100 കോടി ക്ലബിൽ ഇടം നേടി . ആഗസ്ത് 15 നാണ് തിയേറ്ററുകളിലെത്തിയത് . ഈ ചിത്രം തമിഴ്നാട്ടിലും കേരളത്തിലും വിദേശത്തും വമ്പൻ ബോക്സ് ഓഫീസ് കളക്ഷനാണു നിലവിൽ നേടിയിരിക്കുന്നത് . കേരളത്തിൽ ശ്രീ ഗോകുലം ഗോപാലൻ നേതൃത്വത്തിൽ ശ്രീ ഗോകുലം മൂവീസ് ആണ് റിലീസായി എത്തിച്ചത്. റിലീസ് ചെയ്ത ആദ്യ ദിനം തന്നെ ചിത്രം 26 കോടിയാണ് നേടിയത്.

ചിത്രത്തിൽ ചിയാൻ വിക്രം, പാർവതി തിരുവോത്ത്, മാളവിക മോഹനൻ, ഡാനിയൽ കാൽടാഗിറോൺ, പശുപതി തുടങ്ങിയവർ അഭിനയിച്ചിരുന്നു .ദേശീയ അവാർഡ് ജേതാവായ ജി വി പ്രകാശ് കുമാർ തങ്കലാന്റെ സംഗീതമൊരുക്കിയത് , സ്റ്റുഡിയോ ഗ്രീനിന്റെ ബാനറിൽ കെ ഇ ജ്ഞാനവേൽ രാജയാണ് നിർമ്മാണ൦ . കോലാർ ഗോൾഡ് ഫീൽഡ്സിൻ്റെ പശ്ചാത്തലത്തിൽ, 18-19 നൂറ്റാണ്ടുകളിൽ നടന്ന യഥാർത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയത്. സെപ്റ്റംബർ 6- ന് തങ്കലാൻ ഉത്തരേന്ത്യയിലും റിലീസ് ചെയ്യും.

ഛായാഗ്രഹണം – കിഷോർ കുമാർ, ചിത്രസംയോജനം – സെൽവ ആർ കെ, കലാസംവിധാനം – എസ് എസ് മൂർത്തി, സംഘട്ടനം – സ്റ്റന്നർ സാം, ഡിസ്ട്രിബ്യൂഷൻ പാർട്ണർ – ഡ്രീം ബിഗ് ഫിലിംസ്.