ഇന്ത്യയിലേക്ക് പലായനം ചെയ്ത ഷെയ്‌ഖ്‌ ഹസീനയെ വിട്ടുനൽകണമെന്ന് ഇന്ത്യയോട് ബം​ഗ്ലാദേശ് നാഷണലിസ്റ്റ് പാർട്ടി

ധാക്ക : ഇന്ത്യയിലേക്ക് പലായനം ചെയ്ത ഷെയ്‌ഖ്‌ ഹസീനയെ വിട്ടുനൽകണമെന്ന് ഇന്ത്യയോട് ബം​ഗ്ലാദേശ് നാഷണലിസ്റ്റ് പാർട്ടി . ബിഎൻപി സെക്രട്ടറി ജനറൽ മിർസ ഫക്രുൽ ഇസ്​ലാം അലംഗിർ ആണ് ഈക്കാര്യം ആവിശ്യപ്പെട്ടത് .ഈ മാസമാണ് ഷെയ്‌ഖ്‌ ഹസീന സർക്കാർ വിരുദ്ധ പ്രതിഷേധത്തെ തുടർന്ന് രാജി വച്ചശേഷം ഇന്ത്യയിലേക്ക് പലായനം ചെയ്തത്.

അതേസമയം ഷെയ്‌ഖ്‌ ഹസീനയ്ക്കെതിരെ സംവരണവിരുദ്ധ പ്രക്ഷോഭത്തെഅടിച്ചമർത്തുന്നതിനിടെനമാനവികതയ്ക്കെതിരായ കുറ്റകൃത്യങ്ങൾ ചെയ്തെന്ന പരാതിയിൽ 3 കേസുകൾ ചുമത്തിയിട്ടുണ്ട്. ഇവർക്കെതിരെ പ്രക്ഷോഭത്തിൽ കൊല്ലപ്പെട്ട മൂന്ന്‌ വിദ്യാർഥികളുടെ രക്ഷിതാക്കളും ചേർന്നാണ് ഹസീനയ്ക്ക് എതിരെയും മറ്റ്‌ 49 പേർക്കുമെതിരെ പരാതി നൽകിയത്‌. ഇതോടെ, ട്രൈബ്യൂണലിൽ സമർപ്പിക്കപ്പെട്ട പരാതികളുടെ എണ്ണം ഏഴായി. മാത്രമല്ല രാജിവച്ച്‌ പലായനം ചെയ്തതോടെ 44 കേസാണ്‌ ഇവർക്കെതിരെ എടുത്തിരിക്കുന്നത്‌.