എസ് എസ് എഫ് മലപ്പുറം ഈസ്റ്റ് ജില്ലാ സാഹിത്യോത്സവ് മാറ്റിവെച്ചു

മഞ്ചേരി: ഓഗസ്റ്റ് ഒന്ന് മുതൽ നാലു വരെ എടവണ്ണപ്പാറയിൽ നടത്താൻ തീരുമാനിച്ചിരുന്ന എസ് എസ് എഫ് മലപ്പുറം ഈസ്റ്റ് ജില്ലാ സാഹിത്യോത്സവ് ആഗസ്റ്റ് 8 മുതൽ 11 തീയതികളിലേക്ക് മാറ്റിവെച്ചു. വയനാട്ടിൽ നടന്ന ഉരുൾപൊട്ടലിൻ്റെ പശ്ചാത്തലത്തിലാണ് സാഹിത്യോത്സവ് മാറ്റിവെച്ചതെന്ന് ഇന്നലെ ചേർന്ന ജില്ല സെക്രട്ടറിയേറ്റ് അറിയിച്ചു.

ജില്ലാ പ്രസിഡണ്ട് സി കെ എം ഷാഫി സഖാഫി അധ്യക്ഷത വഹിച്ചു. ജനറൽ സെക്രട്ടറി കെ പി മുഹമ്മദ് അനസ് സ്വാഗതവും ടി എം ശുഹൈബ് നന്ദിയും പറഞ്ഞു. ഇസ്സ കോഡ് അംഗങ്ങളുടെ നേതൃത്വത്തിലുള്ള ദുരിതാശ്വാസ പ്രവർത്തനങ്ങൾ തുടരണമെന്ന് സെക്രട്ടറിയേറ്റ് ആഹ്വാനം ചെയ്തു.