പത്തനംതിട്ട തിരുവല്ലയിൽ കാറിന് തീപിടിച്ച് രണ്ടു പേർക്ക് ദാരുണാന്ത്യം; മരിച്ചവരെ തിരിച്ചറിഞ്ഞിട്ടില്ല

പത്തനംതിട്ട: പത്തനംതിട്ട തിരുവല്ലയിൽ കാറിന് തീപിടിച്ച് രണ്ടു പേർക്ക് ദാരുണാന്ത്യം. കാറിനുള്ളിലാണ് ഇവരെ പൊള്ളലേറ്റ നിലയിൽ കണ്ടെത്തിയത്. ഫയർ ഫോഴ്സ് തീയണച്ചു. മരിച്ചവരെ തിരിച്ചറിഞ്ഞിട്ടില്ല. ആളൊഴിഞ്ഞ സ്ഥലത്ത് ഉച്ചയ്ക്ക് ഒരുമണിയോടെയായിരുന്നു സംഭവം. രണ്ട് മൃതദേഹങ്ങളാണ് വാഹനത്തിലുണ്ടായിരുന്നതെന്ന് കരുതുന്നു. തിരുവല്ല വേളൂർ- മുണ്ടകം റോഡിലാണ് അപകടം.വാഹനം പൂർണമായും കത്തിനശിച്ചു.