എംജി: പിജി, ഡിഗ്രി പ്രത്യേക അലോട്മെന്റ് നാളെക്കൂടി ഓൺലൈൻ റജിസ്ട്രേഷൻ നടത്താം

കോട്ടയം  :എംജി സർവകലാശാലയുടെ അഫിലിയേറ്റഡ് കോളജുകളിൽ ബിരുദാനന്തര ബിരുദ, ഓണേഴ്സ് ബിരുദ പ്രോഗ്രാമുകളിൽ പ്രവേശനത്തിന് എസ്‌സി, എസ്ടി വിഭാഗക്കാർക്കായുള്ള പ്രത്യേക അലോട്മെന്റിന് നാളെക്കൂടി ഓൺലൈൻ റജിസ്ട്രേഷൻ നടത്താം.

ഈ വിഭാഗത്തിൽപെടാത്തവർക്കും പ്രത്യേക അലോട്മെന്റിന് അപേക്ഷിക്കാം. ആദ്യ 3 അലോട്മെന്റ് പട്ടികകളിൽ ഉൾപ്പെടാത്തവർക്കും അലോട്മെന്റ് ലഭിച്ചശേഷം അഡ്മിഷൻ എടുക്കാത്തവർക്കും ഇതുവരെ അപേക്ഷിക്കാത്തവർക്കും പുതുതായി ഓപ്ഷൻ നൽകുകയും റജിസ്ട്രേഷൻ നടത്തുകയും ചെയ്യാം.