ബ്ലൂടൂത്ത് സ്‌പീക്കറിൽ സ്വർണം ഒളിപ്പിച്ച് കടത്താൻ ശ്രമം

കൊച്ചി: ബ്ലൂടൂത്ത് സ്‌പീക്കറിൽ സ്വർണം ഒളിപ്പിച്ച് കടത്താൻ ശ്രമം. കൊച്ചി രാജ്യാന്തര വിമാനത്താവളത്തിലാണ് വീണ്ടും സ്വർണവേട്ട അരങ്ങേറിയത് . മലപ്പുറം സ്വദേശിയിൽനിന്ന് കസ്റ്റംസ് 1.35 കിലോ സ്വർണം പിടിച്ചെടുത്തിട്ടുണ്ട് . ബ്ലൂടൂത്ത് സ്പീക്കറിനുള്ളിൽ ഒളിപ്പിച്ച് വച്ച സ്വർണ്ണം പരിശോധനയിൽ വച്ച് കുടുങ്ങുകയായിരുന്നു.

99.84 ലക്ഷം രൂപ വിലമതിക്കുന്ന സ്വർണമാണ് കടത്താൻ ശ്രമിച്ചതായി കസ്റ്റംസ് അധികൃതർ അറിയിച്ചത് . സംഭവത്തിൽ റിയാദിൽനിന്ന് എത്തിയ മലപ്പുറം സ്വദേശിയെ പോലീസ് കസ്റ്റഡിയിൽ എടുത്തിട്ടുണ്ട് . ബ്ലൂടൂത്ത് സ്പീക്കറിനുള്ളിൽ രണ്ട് തങ്കക്കട്ടികളായാണ് ഇയാൾ സ്വർണം ഒളിപ്പിച്ചിരുന്നത് .