രേഖകളില്ലാത്ത തോക്കും തിരയുമായി 3 പേരെ പോലീസ് പിടികൂടി

ബാലുശ്ശേരി: രേഖകളില്ലാത്ത തോക്കും തിരയുമായി 3 പേരെ പൊലീസ് പിടിയികൂടി . എം.എം.പറമ്പ് മൊകായിക്കൽ യു.കെ.അനസ് (48), കോട്ടക്കുന്നുമ്മൽ ഷംസുദ്ദീൻ (53), തലയാട് കല്ലുള്ളതോട് തൈക്കണ്ടി സുനിൽ കുമാർ (58) എന്നിവരെയാണ് പുലർച്ചെ എസ്ഐ സി.സുരേഷും സംഘവും അറസ്റ്റ് ചെയ്തത്. നാട്ടുകാർ ഇവരെ കാഞ്ഞിക്കാവ് കുയ്യനക്കണ്ടി ഭാഗത്ത് വച്ചാണ് കണ്ടെത്തിയത് . അതേസമയം കത്തി, ടോർച്ചുകൾ എന്നിവയും ഇവരിൽ നിന്നു കണ്ടെടുത്തിട്ടുണ്ട് . പോലീസ് വേട്ടയ്ക്ക് ഉപയോഗിക്കുന്ന തോക്കാണിതെന്ന് സംശയിക്കുന്നുണ്ട് . സീനിയർ സിവിൽ ഓഫിസർമാരായ മുരളീധരൻ, സുനീഷ് കുമാർ, ഹോം ഗാർഡ് പുരുഷു എന്നിവർ അന്വേഷണ സംഘത്തിൽ ഉണ്ടായിരുന്നു. പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.