സൗദിയിൽ ഇൻഷുറൻസ് ഗുണഭോക്താക്കൾക്ക് ആശുപത്രികളിൽ തുടർ പരിശോധന സൗജന്യം

ഇൻഷുറൻസ് ഗുണഭോക്താക്കൾക്ക് ചികിത്സയ്ക്ക് ശേഷമുള്ള തുടർ പരിശോധന 14 ദിവസം വരെ സൗജന്യമായിരിക്കുമെന്ന് സൗദി ആരോഗ്യ ഇൻഷുറൻസ് കൗൺസിൽ വ്യക്തമാക്കി. രാജ്യത്തെ സഹകരണ ആരോഗ്യ ഇൻഷുറൻസ് സംവിധാനം ഉറപ്പാക്കുന്ന അടിസ്ഥാന അവകാശങ്ങളുടെ ഭാഗമായാണിത്.

ആദ്യത്തെ പരിശോധന, ചികിത്സ എന്നിവയ്ക്ക് ശേഷമുള്ള ഫോളോ അപ് പരിശോധനയാണ് സൗജന്യമായി ലഭിക്കുക. ആരോഗ്യ ഇൻഷുറൻസ് പരിരക്ഷയുള്ള എല്ലാവർക്കും തുടർച്ചയായി ആരോഗ്യ സംരക്ഷണവും ഗുണനിലവാരമുള്ള സേവനം നൽകുകയാണ് ലക്ഷ്യം.