തിരുവനന്തപുരം: സംസ്ഥാനത്ത് സ്വർണവില കുതിച്ചുയരുന്നു. ഓണക്കാലത്ത് സ്വർണവിലയിൽ തുടർച്ചയായ വർധന രേഖപ്പെടുത്തുന്നതിനിടെ ഇന്ന് ഒരു പവന് 880 രൂപയാണ് കൂടിയത്. ഇതോടെ ഒരു പവൻ സ്വർണത്തിന്റെ വില 1,17,680 രൂപയായി. ഒരു ഗ്രാം സ്വർണത്തിന് 110 രൂപ വർധിച്ച് 14,710 രൂപയിലെത്തി.
കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷന്റെ കണക്കുപ്രകാരമാണ് പുതിയ നിരക്ക്. ഇന്നലെയും സ്വർണവിലയിൽ വൻ വർധനയുണ്ടായിരുന്നു. ഒരു പവന് 395 രൂപയാണ് ഇന്നലെ ഒറ്റയടിക്ക് കൂടിയത്. ഇതോടെ ഇന്നലെ ഒരു പവൻ സ്വർണത്തിന് 1,16,800 രൂപയും ഒരു ഗ്രാമിന് 14,600 രൂപയുമായിരുന്നു വില.
തുടർച്ചയായ ദിവസങ്ങളിലെ വില വർധനവോടെ സ്വർണം വാങ്ങാനെത്തുന്നവർക്ക് വലിയ തിരിച്ചടിയാണ്. ഓണക്കാലത്ത് ആഭരണങ്ങൾ വാങ്ങാൻ കാത്തിരിക്കുന്നവർക്കും വിലക്കയറ്റം വാൻ തിരിച്ചടിയാകുന്നുണ്ട്.
സ്വർണത്തിന് പിന്നാലെ വെള്ളിയുടെ വിലയിലും ഇന്ന് വർധന രേഖപ്പെടുത്തി. ഒരു ഗ്രാം വെള്ളിക്ക് 255 രൂപയും 10 ഗ്രാമിന് 2,550 രൂപയുമാണ് ഇന്നത്തെ വില.
ഓണക്കാല വിപണി സജീവമാകുന്നതിനിടെയാണ് സ്വർണവില പുതിയ ഉയരങ്ങളിലേക്ക് കുതിക്കുന്നത്. വില ഇനിയും ഉയരുമോ? എന്ന ആശങ്കയിലാണ് ഉപഭോക്താക്കളും വ്യാപാരികളും.