പോലീസുകാരനെ കല്ല് കൊണ്ട് തലയ്ക്കടിച്ച പ്രതി കസ്റ്റഡിയിൽ

കോഴിക്കോട്: അസഭ്യം പറഞ്ഞത് ചോദ്യം ചെയ്ത പൊലീസുകാരനെ കല്ല് കൊണ്ട് തലക്കടിച്ചു. ക്രൈംബ്രാഞ്ചിലെ ജയചന്ദ്രൻ എന്ന പൊലീസുകാരനാണ് പരിക്കേറ്റത്. ഉച്ചയ്ക്ക് രണ്ടു മണിയോടെ പൂതേരി പൊലീസ് കോട്ടേഴ്‌സിനു സമീപത്തു ഭക്ഷണം കഴിച്ച് മടങ്ങുമ്പോൾ സംഭവം. നടപ്പാതയിലൂടെ പോകുമ്പോൾ പ്രതി ഫൈസൽ അസഭ്യം പറയുകയായിരുന്നു. ഇത് ചോദിച്ചപ്പോഴായിരുന്നു ആക്രണം. ജയചന്ദ്രൻ പരാതി നൽകിയതിനെത്തുടർന്ന് കസബ പൊലീസ് കേസെടുത്തു. പ്രതി ഫൈസൽ നിലവിൽ പൊലീസ് കസ്റ്റഡിയിലാണ്.