ഗിരീഷ് എ ഡിയുടെ ചിത്രത്തില്‍ നായകനാവാന്‍ നിവിന്‍ പോളി; ചിത്രീകരണം സെപ്റ്റംബറില്‍

പ്രേമലുവിന്‍റെ രണ്ടാം ഭാഗവും അതേ ടീമില്‍ ഭാവന സ്റ്റുഡിയോസ് നേരത്തെ പ്രഖ്യാപിച്ചിരുന്നു. എന്നാല്‍ പ്രേമലു 2 ന് മുന്‍പ് തങ്ങളുടെ നിര്‍മ്മാണത്തില്‍ ഗിരീഷ് എ ഡി സംവിധാനം ചെയ്യുന്ന മറ്റൊരു ചിത്രം വരുമെന്ന് ദിലീഷ് പോത്തന്‍ അടുത്തിടെ പ്രതികരിച്ചിരുന്നു. അതാണ് ഈ ചിത്രം. ഭാവന സ്റ്റുഡിയോസിന്‍റെ ആറാമത്തെ നിര്‍മ്മാണ സംരംഭമാണ് ബത്‍ലഹേം കുടുംബ യൂണിറ്റ്. ‘കുമ്പളങ്ങി നൈറ്റ്സ്’ മുതല്‍ ‘പ്രേമലു’ വരെ ഭാവന സ്റ്റുഡിയോസ് നിർമ്മിച്ച അഞ്ച് സിനിമകളും ഏറെ പ്രേക്ഷക – നിരൂപക പ്രശംസ നേടിയവയാണ്.