ക്ഷേത്രങ്ങളിൽ സനാതന ധർമ്മം പഠിപ്പിക്കാൻ പ്രത്യേക സ്കൂളുകൾ തുടങ്ങണമെന്ന് ഗവർണർ

തിരുവനന്തപുരം: ക്ഷേത്രങ്ങളിൽ സനാതന ധർമ്മം പഠിപ്പിക്കാൻ പ്രത്യേക സ്കൂളുകൾ തുടങ്ങണമെന്ന് ഗവർണർ രാജേന്ദ്ര ആർ​ലേക്കർ. ദേവസ്വങ്ങൾ മുൻകൈയെടുത്ത് ഗോശാലയും ആശുപത്രിയും നിർമിക്കണമെന്നും ഗവർണർ പറഞ്ഞു. തളിപ്പറമ്പ് രാജരാജേശ്വര ക്ഷേത്രത്തിൽ നടന്ന ചടങ്ങിൽ പ​ങ്കെടുത്ത് സംസാരിക്കുന്നതിനിടെയാണ് അദ്ദേഹത്തിന്റെ പരാമർശം.

സനാതന ധർമ്മം മതപരമല്ല. ധർമ്മം ഒരു മതം മാത്രം ചെയ്യേണ്ട കാര്യമല്ലെന്നും എല്ലാവരും ചെയ്യേണ്ട കടമയാണെന്നും അദ്ദേഹം പറഞ്ഞു. കശ്മീർ മുതൽ കന്യാകുമാരി വരെയുള്ളവർ സനാതന ധർമ്മത്തെ ബഹുമാനിക്കുന്നുണ്ട്. ഗോശാലകൾ നിർമിക്കാൻ ഒരുപാട് സഹായിക്കുമെന്നും ഗവർണർ കൂട്ടിച്ചേർത്തു.