അനുരാഗ് ബസുവിന്റെ ‘മെട്രോ ഇൻ ഡിനോ’ ബോക്സ് ഓഫീസിൽ കുതിക്കുന്നു

അനുരാഗ് ബസു സംവിധാനം ചെയ്ത ‘മെട്രോ ഇൻ ഡിനോ’ എന്ന റൊമാന്റിക് ചിത്രം ബോക്സ് ഓഫീസിൽ മികച്ച നേട്ടം നേടുന്നു. 2007ൽ പുറത്തിറങ്ങിയ ‘ലൈഫ് ഇൻ എ മെട്രോ’ എന്ന ചിത്രത്തിന്‍റെ സ്പിരിച്വല്‍ പിൻഗാമിയായ ഈ ചിത്രം ജൂലൈ 4നാണ് തിയേറ്ററുകളിൽ എത്തിയത്.

സിനിമയ്ക്ക് ആദ്യ ദിനം മുതലേ മികച്ച പ്രതികരണമാണ് ലഭിക്കുന്നത്. നാലാം ദിനമായ ജൂലൈ 7ന് 2.5 കോടി രൂപ നേടിയ ചിത്രം ഇന്ത്യയിൽ മൊത്തം 19.25 കോടി രൂപയുടെ കളക്ഷൻ സ്വന്തമാക്കിയതായി ട്രാക്കർ സൈറ്റായ സാക്‌നിൽക്.കോം റിപ്പോർട്ട് ചെയ്തു.

‘മെട്രോ ഇൻ ഡിനോ’ ആദ്യ ദിനം 3.04 കോടി രൂപയുമായി മിതമായ തുടക്കമാണ് നേടിയത്. എന്നാൽ, വാരാന്ത്യത്തില്‍ കളക്ഷൻ ഗണ്യമായ വർധനവ് കണ്ടു. രണ്ടാം ദിനം (ജൂലൈ 5) 6.33 കോടിയും, മൂന്നാം ദിനം (ജൂലൈ 6) 7.25 കോടിയും ചിത്രം നേടി. എന്നാൽ, ആദ്യ തിങ്കളാഴ്ച ( കളക്ഷനിൽ നേരിയ ഇടിവ് രേഖപ്പെടുത്തിയെങ്കിലും 20 കോടി ക്ലബ്ബിലേക്ക് അടുക്കുകയാണ് ഈ ചിത്രം.