ടിപ്പർ ലോറിയുടെ ടയർ മാറ്റുന്നതിനിടയിൽ ഹൈഡ്രോളിക് ജാക്കി വൈദ്യുതി ലൈനിൽ തട്ടി.. യുവാവ് മരിച്ചു

ചങ്ങനാശ്ശേരി ബൈപ്പാസിനു സമീപം ടിപ്പർ ലോറിയുടെ ടയർ മാറ്റുന്നതിനിടയിൽ ഹൈഡ്രോളിക് ജാക്കി വൈദ്യുതി ലൈനിൽ തട്ടി യുവാവ് മരിച്ചു. മാമ്പുഴക്കേരി നെടിയകാലപറമ്പിൽ രാജുവിന്റെയും സാന്റിയുടെയും മകൻ സിജോ രാജുവാണു മരിച്ചത്.

ഉടൻ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തിങ്കളാഴ്ച രാവിലെ പത്തരയോടെയായിരുന്നു അപകടം. കഴിഞ്ഞ 10 വർഷമായി സിജോ ഈ സ്ഥാപനത്തിൽ ജോലി ചെയ്തു വരികയായിരുന്നു.