കുട്ടികളെ ദുർമന്ത്രവാദത്തിന് ഉപയോഗിക്കുന്നു; പ്രൈമറി സ്കൂൾ അധ്യാപികയെ സസ്പെൻഡ് ചെയ്തു

ലുധിയാന: ക്ലാസെടുക്കുന്നതിനിടെ പുക വലിക്കുകയും കുട്ടികളെ ദുർമന്ത്രിവാദത്തിന് ഇരയാക്കുകയും ചെയ്തുവെന്ന ആരോപണത്തിൽ പ്രൈമറി സ്കൂൾ അധ്യാപികയെ സസ്പെൻഡ് ചെയ്തു. ലുധിയാനയിലെ ഭുക്രി കലൻ ഗ്രാമത്തിലാണ് സംഭവം. പഞ്ചാബ് വിദ്യാഭ്യാസ വകുപ്പാണ് അധ്യാപികയെ സസ്‌പെൻഡ് ചെയ്തത്.

അധ്യാപികയുടെ പെരുമാറ്റം കുട്ടികളെ മോശമായി ബാധിക്കുന്നു എന്ന് ആരോപിച്ച് പഞ്ചായത്തും ഗ്രാമവാസികളും നൽകിയ പരാതിയുടെ അടിസ്ഥാനത്തിലാണ് കമൽജിത് കൗറിനെതിരെ നടപടി സ്വീകരിച്ചതെന്ന് ലുധിയാന ജില്ലാ വിദ്യാഭ്യാസ ഓഫീസർ രവീന്ദർപാൽ കൗർ പറഞ്ഞു.