കിടിലൻ പവർ; 7,500mAh ബാറ്ററി; അൾട്രാ ഫ്ലാ​ഗ്ഷിപ്പ് ഡിവൈസുമായി ഷവോമി

ഷവോമി16 അൾട്ര ഈ വർഷം അവസാനത്തോടെ വിപണിയിലെത്തുമെന്ന് റിപ്പോർട്ടുകൾ. ചൈനീസ് സോഷ്യൽ മീഡിയ പ്ലാറ്റ്‌ഫോമായ വെയ്‌ബോയിൽ ഫോണിന്റെ ഏറ്റവും പുതിയ വിവരങ്ങൾ പുറത്തുവിട്ടിട്ടുണ്ട്. 2025 ഫെബ്രുവരിയിലാണ് ഷവോമിയുടെ 15 അൾട്ര പുറത്തിറങ്ങിയത്.

ഈ ഫോണിന്റെ ഇന്ത്യയിലെ വില 1,09,999 രൂപയാണ്. 50MP പ്രൈമറി ക്യാമറ സെൻസർ,200MP പെരിസ്‌കോപ്പ് ടെലിഫോട്ടോ ലെൻസ്, 50MP സോണി LYT600 സെൻസർ എന്നിവയാണ് ഷവോമി16 അൾട്രയുടെ സവിശേഷതകൾ. 2K റെസല്യൂഷനും 120Hz റിഫ്രഷ് റേറ്റും ഈ ഫോണിലുണ്ട്. 6.8 ഇഞ്ച് LTPO ഡിസ്‌പ്ലേയും സ്മാർട്ട്‌ഫോണിൽ ഉണ്ടായിരിക്കുമെന്നും റിപ്പോർട്ടുണ്ട്.

ഈ ഫോണിൽ ക്വാൽകോമിന്റെ സ്‌നാപ്ഡ്രാഗൺ 8 എലൈറ്റ് 2 ചിപ്‌സെറ്റിറ്റൈയിരിക്കും ഉണ്ടാവുക. 7,000mAh മുതൽ 7,500mAh വരെ ബാറ്ററിയായിരിക്കും ഷവോമി16 അൾട്രയിൽ ലഭിക്കുക. 100W വയേർഡ്, 50W വയർലെസ് ചാർജിങ്ങും ഫോണിലുണ്ടെന്നാണ് റിപ്പോർട്ടുകൾ.