Category : Kerala Mex

ആലപ്പുഴ: താൻ മുസ്ലിം വിരോധിയല്ലെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ബാബരി മസ്ജിദ് തകർത്തപ്പോൾ എതിർത്തത് എസ്എൻഡിപി അല്ലേയെന്നും വെള്ളാപ്പള്ളി നടേശൻ ചോദിച്ചു. മലപ്പുറത്തെ കുറിച്ചുള്ള പരാമർശം വിവാദമായ പശ്ചാത്തലത്തിലായിരുന്നു വെള്ളാപ്പള്ളിയുടെ പ്രതികരണം. താൻ പറഞ്ഞത് സമുദായത്തിന്റെ പിന്നോക്കാവസ്ഥയെപ്പറ്റിയാണെന്ന് വെള്ളാപ്പള്ളി നടേശൻ പറഞ്ഞു. തന്റെ സമുദായത്തിന്റെ വികാരവും വിചാരവും ദുഃഖവും മനസിലാക്കണമെന്നും അദ്ദേഹം ആവശ്യപ്പെട്ടു. മലപ്പുറത്ത് ഈഴവ സമുദായത്തിന് കീഴിൽ ഒരു വിദ്യാഭ്യാസ സ്ഥാപനവും ഇല്ലെന്നും വെള്ളാപ്പള്ളി

കൊണ്ടോട്ടി: യുവാവ് മദ്യലഹരിയിൽ അമ്മാവൻമാരെ കുപ്പി പൊട്ടിച്ച് കുത്തി. മലപ്പുറം കൊണ്ടോട്ടി കോട്ടപ്പുറത്താണ് യുവാവ് അമ്മാവൻമാരെ ആക്രമിച്ചത്. യുവാവി​ന്റെ കുത്തേറ്റ് നൗഫൽ, വീരാൻ കുട്ടി എന്നിവർക്ക് പരിക്കേറ്റതിനെത്തുടർന്ന് ഇവരെ കൊണ്ടോട്ടി സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാത്രിയാണ് സംഭവം. സാക്കിർ എന്ന യുവാവിനെ നാട്ടുകാർ പിടികൂടി പൊലീസിൽ ഏൽപ്പിക്കുകയായിരുന്നു. അക്രമത്തിനിടെ പരിക്കേറ്റ ഇയാളെ പൊലീസ് മഞ്ചേരി ഗവൺമെൻറ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

തിരുവനന്തപുരം: ലഹരിക്കേസിൽ രാജ്യം വിട്ട മാലിക്കാരെ കണ്ടെത്താൻ റെഡ് കോര്‍ണര്‍ നോട്ടീസിനൊപ്പം ലുക്ക്ഔട്ട് നോട്ടീസും പുറത്തിറക്കി. കോടികൾ വിലവരുന്ന ലഹരിയുമായി പിടിയിലായ മാലി സ്വദേശികളായ ഐമാൻ അഹമ്മദ്, ഷെമീസ് മാഹിൻ, ഇബ്രാഹിം ഫൗസാൻ എന്നിവരാണ് ജാമ്യത്തിലിറങ്ങി രാജ്യം വിട്ടത്. രാജ്യത്തിന് പുറത്ത് പോകരുതെന്ന നിർദ്ദേശം നിലനിൽക്കെയാണ് പ്രതികൾ പോലീസി​ന്റെ സഹായത്തോടെ രക്ഷപ്പെട്ടത്. പൊലീസ് സഹായത്തോടെ പ്രതികള്‍ രക്ഷപ്പെട്ട സംഭവം നേരത്തെ വാർത്തയായിരുന്നു. 16.5 കിലോ ഹാഷിഷ് ഓയിലുമായാണ് പ്രതികളെ പിടികൂടിയത്.

തിരുവനന്തപുരം: യുവതി ഉൾപ്പെടെ മൂന്നം​ഗ സംഘം എംഡിഎംഎയുമായി പിടിയിൽ. അഞ്ജു, ജെഫിൻ, ഉമേഷ് എന്നിവരെയാണ് റൂറൽ ഡാൻസാഫ് ടീം പിടികൂടിയത്. ഇവരുടെ പക്കൽ നിന്നും 52 ​ഗ്രാം എംഡിഎംഎയും പിടിച്ചെടുത്തു. കഴക്കൂട്ടത്തുള്ള ഒരു സ്പായിലെ ജീവനക്കാരിയാണ് പിടിയിലായ അഞ്ജു. സ്പാ കേന്ദ്രീകരിച്ച് ലഹരി വിൽപ്പന നടക്കുന്നതായും പൊലീസിന് വിവരം ലഭിച്ചിരുന്നു. ഇതിൻ്റെ അടിസ്ഥാനത്തിലാണ് പരിശോധന നടത്തിയത്. ബെം​ഗളുരുവിൽ നിന്നും ലഹരിമരുന്നുമായി എത്തിയപ്പോഴാണ് മൂന്നം​ഗ സംഘം പൊലീസിന്റെ വലയിലായത്. ബെം​ഗളൂരുവിൽ നിന്നും