Author: Sandhya

കുവൈത്തിൽ ചൂടുള്ളതും ഈർപ്പമുള്ളതുമായ കാലാവസ്ഥ തുടരുമെന്നും ചില സ്ഥലങ്ങളിൽ ഇടിയോടുകൂടിയ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ വകുപ്പ് അറിയിച്ചു. ഉയർന്ന ഈർപ്പം രണ്ടാഴ്ചവരെ തുടരും, ചില പ്രദേശങ്ങളിൽ മൂടൽമഞ്ഞിന് സാധ്യതയുണ്ടെന്നും ദൂരക്കാഴ്ച കുറയുമെന്നും മുന്നറിയിപ്പിൽ പറയുന്നു. മണിക്കൂറിൽ 10 മുതൽ 42 കിലോമീറ്റർ വരെ വേഗതയിൽ നേരിയ തെക്കുകിഴക്കൻ കാറ്റ് വീശാനും സാധ്യതയുണ്ട്. ആകാശം ഭാഗികമായി മേഘാവൃതമായി തുടരും.

ആഴക്കിണറിനുള്ളിൽ കുടുങ്ങിയ നാല് വയസ്സുകാരന് 16 മണിക്കൂറിന് ശേഷം പുതുജീവൻ. വടക്കൻ സിറിയയിലാണ് 50 മീറ്റർ ആഴമുള്ള കിണറ്റിലേക്ക് നാലു വയസ്സുകാരൻ വീണത്. വടക്കൻ സിറിയയിലെ തുർക്കിഷ് അതിർത്തിക്ക് സമീപത്തെ താൽ അബ്യാദ് നഗരത്തിലാണ് കാർഷികാവശ്യങ്ങൾക്ക് വേണ്ടി ഉപയോഗിക്കുന്ന 50 മീറ്റർ ആഴത്തിലുള്ള കിണറ്റിൽ നാലു വയസ്സുകാരനായ അലി സലേഹ് അബ്ദി വീണത്. കുടുംബ സന്ദർശനത്തിനായി പിതാവിനൊപ്പം താൽ അബ്യാദിലെത്തിയതാണ് അലി. വിവരമറിഞ്ഞെത്തിയ സിവിൽ ഡിഫൻസ് സംഘം ക്യാമറയും വോയ്സ്

റിയാദിലെ താമസമേഖലകളിൽ വാഹനപാർക്കിങ് നിയന്ത്രിക്കുന്നതിനുള്ള പുതിയ സംവിധാനം ശനിയാഴ്ച മുതൽ നിലവിൽ വരും. റിയാദ് പാർക്കിങ് ആപ്പ് സംവിധാനത്തിലൂടെയാണ് താമസക്കാർക്കും സന്ദർശകർക്കും വാഹനം പാർക്ക് ചെയ്യുന്നതിന് ഫീസില്ലാത്ത പെർമിറ്റ് നൽകുന്നത്. പ്രദേശത്തെ വാഹനതിരക്ക് കുറക്കുന്നതിനും പ്രധാന റോഡുകളിൽ നിന്ന് വാഹനങ്ങൾ താമസകേന്ദ്രങ്ങളിലേക്ക് പാർക്കിങ്ങിനായി കൊണ്ടുചെല്ലുന്നത് ഒഴിവാക്കുന്നതിനുമാണ് പുതിയ സംവിധാനം.അൽ വുറൂദ് റസിഡൻഷ്യൽ പ്രദേശത്താണ് പുതിയ ക്രമീകരണത്തിന് തുടക്കമിടുന്നത്. നിലവിലെ പെയ്ഡ് പാർക്കിങ് സോണുകൾക്ക് സമീപ പ്രദേശങ്ങളിലേക്കും ഈ പദ്ധതി വ്യാപിപ്പിക്കും.

ദുകമിലെ കോണ്‍സുലര്‍, പാസ്പോർട്ട്, വീസ സേവന കേന്ദ്രം ഇന്ന് മുതൽ പ്രവര്‍ത്തനം ആരംഭിക്കുമെന്ന് മസ്‌കത്ത് ഇന്ത്യന്‍ എംബസി അറിയിച്ചു. ദുകം പ്രത്യേക സാമ്പത്തിക മേഖലയിലെ റോക്ക് ഗാര്‍ഡന്‍ ഡിസ്ട്രിക്ടില്‍ പ്ലോട്ട് നമ്പര്‍ 49/51ല്‍ ആണ് കേന്ദ്രം പ്രവർത്തിക്കുന്നത്. പാസ്‌പോര്‍ട്ട് പുതുക്കല്‍, വീസ നടപടികൾ, അറ്റസ്‌റ്റേഷന്‍, ഓവര്‍സീസ് സിറ്റിസണ്‍ഷിപ്പ് ഓഫ് ഇന്ത്യ അപേക്ഷാ നടപടികൾ തുടങ്ങി ഒട്ടനവധി സേവനങ്ങളാണ് പുതിയ കേന്ദ്രത്തിലുള്ളത്. അപേക്ഷകർ സേവനങ്ങൾക്കായി https://www.sgivsglobal-oman.com/മുഖേന മുന്‍കൂട്ടി ബുക്ക് ചെയ്യണം. മസ്‌കത്ത്,

ദാഹിറ ഗവർണറേറ്റിൽ കനത്ത മഴക്കിടെ അശ്രദ്ധമായി വാഹനമോടിച്ച സംഭവത്തിൽ സ്വദേശി പൗരനെ റോയൽ ഒമാൻപൊലീസ് അറസ്റ്റ് ചെയ്തു.പൊതുജന സുരക്ഷയെ ബാധിക്കുന്ന തരത്തിലായിരുന്നു ഇദ്ദേഹത്തന്റെ ഡ്രൈവിങ്. അഭ്യാസപ്രകടനം നടത്തുന്നതിനിടെ വാഹനത്തിന്റെ നിയന്ത്രണം നഷ്ടപ്പെടുടയും വിളക്കുകാലിൽ ഇടിച്ച് മറിയുകയുമായിരുന്നു. ഉടൻ തന്നെ ഡ്രൈവർ അപകടസ്ഥലത്ത് നിന്ന് ഓടി രക്ഷപ്പെട്ടു.അറസ്റ്റിലായ വ്യക്തിക്കെതിരെ നിയമനടപടി സ്വീകരിച്ചുവരികയാണെന്ന് റോയൽ ഒമാൻ പൊലീസ് അറിയിച്ചു.

അസർബൈജാനും അർമീനിയയും ഒപ്പുവച്ച സമാധാന കരാർ കുവൈത്ത് സ്വാഗതം ചെയ്തു. ചരിത്രപരമായ ഈ നടപടി ഇരു രാജ്യങ്ങളുടെയും കൂടുതൽ സ്ഥിരതക്കും സമൃദ്ധിക്കും കാരണമാകും. ഈ സുപ്രധാന കരാറിലെത്താനുള്ള യു.എസ് മധ്യസ്ഥ ശ്രമങ്ങള അഭിനന്ദിക്കുന്നതായും കുവൈത്ത് വിദേശകാര്യ മന്ത്രാലയം വ്യക്തമാക്കി. സംഭാഷണത്തിലൂടെയും സമാധാനപരമായ മാർഗങ്ങളിലൂടെയും സംഘർഷങ്ങൾ പരിഹരിക്കാനുള്ള എല്ലാ പ്രാദേശിക, ആഗോള ശ്രമങ്ങൾക്കും കുവൈത്ത് പിന്തുണ നൽകുന്നതായും മന്ത്രാലയം അറിയിച്ചു.