Author: Sandhya

കോടതികളി​ലേക്ക്​ പുതുതായി നിയമിതരായ 35 ജഡ്ജിമാർ കൂടി സത്യപ്രതിജ്ഞ ചെയ്തു. ദുബൈ യൂനിയൻ ഹൗസിലെ മുദൈഫ്​ മജ്​ലിസിൽ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം നേതൃത്വം നൽകിയ ചടങ്ങിലാണ്​ സത്യപ്രതിജ്ഞ നടന്നത്​. പുതിയ പദവികളിൽ ജഡ്ജിമാർ വിജയകരമായി പ്രവർത്തിക്കട്ടെയെന്നും ശൈഖ്​ മുഹമ്മദ്​ ആശംസിച്ചു. നീതിയും അഖണ്ഡതയും ഉയർത്തിപ്പിടിക്കണമെന്നും സാമൂഹിക സുസ്ഥിരത നിലനിർത്തുന്നതിനും ജനങ്ങളുടെ അവകാശങ്ങൾ സംരഷിക്കുന്നതിനും സ്വതന്ത്രമായ ജുഡീഷ്യറി അനിവാര്യമാണെന്നും

യുഎഇയിൽ കടുത്ത ചൂട് അവസാനിക്കാൻ പോകുന്നു. വേനൽ അതിന്റെ പാരമ്യത്തിലെത്തുന്ന മിർസാം കാലത്തിനു തിരശീല വീഴുന്നു. കനത്ത ചൂടിനു ശമനം നൽകി ഇന്ന് ഉച്ചയ്ക്കു ശേഷം രാജ്യത്തിന്റെ വിവിധ ഭാഗങ്ങളിൽ മഴയ്ക്കു സാധ്യതയുണ്ട്. ഇന്നലെ ഫുജൈറ, അൽഐൻ ഭാഗങ്ങളിൽ മഴ പെയ്തു. ഇന്നലെ അൽഐനിൽ 47.4 ഡിഗ്രി ഉയർന്ന ചൂട് രേഖപ്പെടുത്തി. ഇന്നു 40 കിലോമീറ്റർ വരെ വേഗത്തിൽ കാറ്റടിക്കാൻ സാധ്യതയുണ്ട്.

തുർക്കിയിലുണ്ടായ വാഹനാപകടത്തിൽ രണ്ട് ഇമറാത്തികൾ മരിച്ചു. 3 യുഎഇ സ്വദേശികൾക്ക് പരുക്കേറ്റു. മരിച്ചവർ ഒരു കുടുംബത്തിലെ അംഗങ്ങളാണ്. ഇവർ സഞ്ചരിച്ചിരുന്ന ടൂറിസ്റ്റ് ബസ് മറിഞ്ഞാണ് അപകടമുണ്ടായത്. അപകടത്തിൽ മൊത്തം 9 പേർ മരിക്കുകയും 26 പേർക്ക് പരുക്കേൽക്കുകയും ചെയ്തു. മറിയം മുഹമ്മദ് അഹമ്മദ് (18), അബ്ദുൽ മജീദ് മുഹമ്മദ് (32) എന്നിവരാണ് മരിച്ച സ്വദേശികൾ. തുർക്കിയിലെ ട്രാബ് സോണിലെ പാലിക് തടാകത്തിനടുത്താണ് അപകടമുണ്ടായത്. വാഹനത്തിൽ കുടുങ്ങിയവരെ ശ്രമകരമായ ദൗത്യത്തിലൂടെയാണു പുറത്തെടുത്തത്.

ഉംറ തീർഥാടകർക്ക് ആവശ്യമായ എല്ലാ നിർദേശങ്ങളും ഉൾക്കൊള്ളുന്ന നുസുക് ആപ്ലിക്കേഷൻ സൗദി അവതരിപ്പിച്ചു. ഇന്റർനെറ്റ് ഇല്ലാതെ ഓഫ്‌ലൈനായും നുസുക് പ്രവർത്തിക്കും. ഉംറയ്ക്കും ഹജ്ജിനും എത്തുന്ന എല്ലാവർക്കും സഹായകരമായ സമ്പൂർണ നിർദേശങ്ങളും വിവരങ്ങളും അടങ്ങുന്നതാണ് നുസുക് ആപ്ലിക്കേഷൻ.റൗള ഷെരീഫിൽ എത്താനുള്ള സ്ലോട്ട് ബുക്ക് ചെയ്യാൻ നുസുക് ആപ്ലിക്കേഷൻ സഹായിക്കും. സൗദിയുടെ അതിവേഗ റെയിൽ സർവീസായ ഹറമെയിൻ ടിക്കറ്റ് ബുക്ക് ചെയ്യാനും ഈ ആപ്ലിക്കേഷനിലൂടെ സാധിക്കും. ഹോട്ടൽ ബുക്കിങ്ങിനും ഇതിൽ സൗകര്യമുണ്ട്. തീർഥാടകർക്ക്

ഇന്ത്യയും ഒമാനും തമ്മിലുള്ള സ്വതന്ത്ര വ്യാപാര കരാർ അന്തിമമാക്കുന്നതു സംബന്ധിച്ച പ്രഖ്യാപനം ഉടനുണ്ടായേക്കും. കരാറുമായി ബന്ധപ്പെട്ട രേഖകൾ അറബിക് ഭാഷയിലേക്കു പരിഭാഷപ്പെടുത്തുകയാണ്. ഇരുരാജ്യങ്ങളുടെയും കാബിനറ്റുകൾകൂടി അംഗീകരിക്കുന്നതോടെ കരാർ യാഥാർഥ്യമാകും. 2023ലാണ് ഇരുരാജ്യങ്ങളും തമ്മിലുള്ള വ്യാപാര കരാർ ചർച്ച ആരംഭിച്ചത്. ഗൾഫ് സഹകരണ കൗൺസിൽ (ജിസിസി) രാജ്യങ്ങളിൽ ഇന്ത്യയുടെ മൂന്നാമത്തെ വലിയ കയറ്റുമതി വിപണിയാണ് ഒമാൻ. ജിസിസിയിലെ മറ്റൊരു അംഗമായ യുഎഇയുമായി ഇന്ത്യയ്ക്ക് സമാനമായ കരാർ നിലവിലുണ്ട്. 2022 മേയിലാണ് ഇതു

ദാഹിറ ഗവര്‍ണറേറ്റില്‍ കനത്ത മഴക്കിടെ അശ്രദ്ധമായി വാഹനമോടിക്കുകയും അപകടം സൃഷ്ടിക്കുകയും ചെയ്തയാളെ റോയല്‍ ഒമാന്‍ പൊലീസ് (ആര്‍ഒപി) അറസ്റ്റ് ചെയ്തു. പൊതുജനങ്ങളുടെ സുരക്ഷയ്ക്ക് ഭീഷണിയാകുന്ന തരത്തില്‍ അപകടകരമായ രീതിയില്‍ ഇയാള്‍ വാഹനമോടിച്ചതായി കണ്ടെത്തി. മറ്റൊരു സംഭവത്തില്‍ റോഡ് ഉപയോക്താക്കളുടെ സുരക്ഷയ്ക്ക് ഭീഷണിയാകുന്ന തരത്തില്‍ അശ്രദ്ധമായി വാഹനമോടിച്ച സംഭവത്തില്‍ ഗള്‍ഫ് പൗരനെ അറസ്റ്റ് ചെയ്തു. ദോഫാര്‍ ഗവര്‍ണറേറ്റ് പൊലീസ് കമാന്‍ഡാണ് പ്രതിയെ പിടികൂടിയത്. അമിതവേഗത, അശ്രദ്ധമായി വാഹനമോടിക്കല്‍, റോഡ് ഷോള്‍ഡര്‍ ഉപയോഗിച്ച്

ഗാസയിലെ യുദ്ധമുഖത്ത് വിശപ്പും ദാരിദ്ര്യവും മൂലം കഷ്ടപ്പെടുന്നവർക്ക് പ്രതീക്ഷയുടെ പ്രകാശമായി യുഎഇയുടെ ‘ഓപറേഷൻ ഷിവലറസ് നൈറ്റ് 3’ സംഘം. ഗാസയിലെ ജനങ്ങൾക്ക് വ്യോമ, നാവിക, കര മാർഗ്ഗങ്ങളിലൂടെ യുഎഇ തുടർച്ചയായി സഹായം എത്തിച്ചുകൊണ്ടിരിക്കുകയാണ്. ജോർദാൻ, ജർമനി, ബെൽജിയം, ഫ്രാൻസ്, നെതർലൻഡ്സ്, ഇറ്റലി തുടങ്ങിയ രാജ്യങ്ങളുമായി സഹകരിച്ച് യുഎഇ 66-ാമത് സഹായ വിതരണം പൂർത്തിയാക്കി. യുഎൻ റിപോർട്ടുകൾ പ്രകാരം ഗാസയിലേക്ക് ലഭിച്ച ആകെ രാജ്യാന്തര സഹായത്തിന്റെ 44 ശതമാനവും നൽകിയത് യുഎഇയാണ്.

അൽ ദന്നാ സിറ്റിയിൽ വാഹനാപകടത്തിൽ ഇന്ത്യൻ ദമ്പതികൾ മരിച്ചു. തെലങ്കാനയിൽ നിന്നുള്ള സയിദ് വഹീദും ഭാര്യ സന ബീഗവുമാണ് മരിച്ചത്. ഇവരുടെ മൂന്നു കുട്ടികൾ പരുക്കുകളോടെ ആശുപത്രിയിൽ ചികിത്സയിലാണ്. ഒരു കുട്ടിയുടെ നിലഗുരുതരമാണ്. ഇളയ കുട്ടിക്ക് 4 മാസം മാത്രമാണു പ്രായം. അഞ്ച് വയസ്സ്, 11 വയസ്സ് എന്നിങ്ങനെയാണ് മറ്റ് കുട്ടികളുടെ പ്രായം വ്യാഴാഴ്ച പുലർച്ചെ 3 മണിയോടെയാണ് അപകടം ഉണ്ടായതെന്നാണ് വിവരം. അപകട കാരണം വ്യക്തമല്ല. സയിദ് വഹീദ്

ജി.സി.സി പ്രവാസികൾക്ക് ഓൺ അറൈവൽ ടൂറിസ്റ്റ് വിസ പ്രഖ്യാപിച്ച് കുവൈത്ത്. ഏതെങ്കിലും ജി.സി.സി രാജ്യങ്ങളിൽ കുറഞ്ഞത് ആറുമാസത്തെ സാധുവായ റെസിഡൻസി പെർമിറ്റ് കൈവശമുള്ളവർക്ക് കുവൈത്തിൽ പ്രവേശിക്കുന്ന സമയത്ത് ടൂറിസ്റ്റ് വിസ നേടാം. ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സഊദ് അസ്സബാഹ് ഇതുസംബന്ധിച്ച തീരുമാനം പുറപ്പെടുവിച്ചു. പ്രവാസികൾക്കും വിനോദസഞ്ചാരികൾക്കും യാത്ര സൗകര്യപ്പെടുത്താനും കുവൈത്തിലെ ടൂറിസം വളർത്തലും ലക്ഷ്യമിട്ടാണ് തീരുമാനം. മലയാളികൾ അടക്കമുള്ള പ്രവാസികൾക്ക് പുതിയ തീരുമാനം ഗുണകരമാകും.