‘ബൈക്ക് എക്‌സ്‌പ്രസ്’: സ്‌കൂട്ടറും ബൈക്കുകളും എത്തിക്കാൻ കെഎസ്ആർടിസി ചരക്ക് സർവീസ് ആരംഭിക്കാൻ ഒരുങ്ങുന്നു

കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (കെഎസ്ആർടിസി) ബൈക്കുകളും സ്കൂട്ടറുകളും ദീർഘദൂരങ്ങളിലേക്ക് കൊണ്ടുപോകുന്നതിനുള്ള ‘ബൈക്ക് എക്സ്പ്രസ്’ പദ്ധതി ആരംഭിക്കാൻ ഒരുങ്ങുന്നു. നിലവിൽ ട്രെയിനുകളും സ്വകാര്യ ചരക്ക് കമ്പനികളും മാത്രമാണ് ഒരു വ്യക്തിക്ക് അവരുടെ വാഹനങ്ങൾ കൊണ്ടുപോകാനുള്ള ഏക മാർഗം. എന്നിരുന്നാലും, സ്വകാര്യ കക്ഷികൾ ആവശ്യപ്പെടുന്ന ഉയർന്ന വിലയെക്കുറിച്ചും ട്രെയിനുകൾ വഴി വാഹനങ്ങൾ കൊണ്ടുപോകുന്നതിലെ അപകടസാധ്യതയെക്കുറിച്ചും പലരും പരാതിപ്പെടുന്നു. കുറഞ്ഞ നിരക്കിൽ സമാനമായ സർവീസുകൾ നൽകാമെന്ന പ്രതീക്ഷയിലാണ് കെഎസ്ആർടിസി. തീവണ്ടികളോ സ്വകാര്യ കമ്പനികളോ സർവീസ് നടത്താത്ത റൂട്ടുകളിലാണ് കോർപ്പറേഷൻ നോട്ടമിടുന്നത്.

റിപ്പോർട്ടുകൾ പ്രകാരം കെഎസ്ആർടിസി ഇരുചക്ര വാഹനങ്ങൾ പ്രത്യേക വാനുകളിലും പഴയ മോഡൽ ബസുകളിലും കൊണ്ടുപോകും. നേരത്തെ, കെഎസ്ആർടിസിക്ക് ലോജിസ്റ്റിക് വാനുകൾ ഉണ്ടായിരുന്നു, പുതിയവ സമാനമായ പാറ്റേണിൽ രൂപകൽപ്പന ചെയ്യുമെന്നാണ് റിപ്പോർട്ട്.

പൊതുജനങ്ങളുടെ അഭിപ്രായ൦  പരിഗണിച്ച ശേഷമായിരിക്കും പദ്ധതി ആരംഭിക്കുക. അതേസമയം കെഎസ്ആർടിസിയുടെ കൊറിയർ സർവീസ് ലാഭത്തിലാണ്. തുടക്കത്തിൽ കുറച്ച് ടേക്കർമാരെ ലഭിച്ചെങ്കിലും നിലവിൽ ആവശ്യക്കാരേറെയാണ്. മിക്ക ഡിപ്പോകളിലും കൊറിയർ സർവീസുകളിൽ നിന്ന് പ്രതിദിനം ശരാശരി ഒന്നരലക്ഷം രൂപയാണ് കെഎസ്ആർടിസിക്ക് ലഭിക്കുന്നത്. ഇരുചക്രവാഹന പദ്ധതിയും സമാനമായി വിജയിക്കുമെന്ന പ്രതീക്ഷയിലാണ് അധികൃതർ.