ബത്തേരിയിൽ പശുക്കിടാവിനെ കൊന്ന കടുവയെ തിരിച്ചറിഞ്ഞു

ബത്തേരിയിൽ ഇറങ്ങിയ കടുവയെ തിരിച്ചറിഞ്ഞു. WYS 09 എന്ന കടുവയാണ് ബത്തേരിക്കടുത്ത് സിസിയിൽ പശുക്കിടാവിനെ കൊന്നതെന്ന് വനം വകുപ്പ് അറിയിച്ചു. ആൺ കടുവയാണ് നാട്ടിൽ ഇറങ്ങിയത്. കടുവയെ തിരിച്ചറിഞ്ഞത് വനംവകുപ്പ് സ്ഥാപിച്ച ക്യാമറ ട്രാപ്പുകളിൽ നിന്നാണ് .

ഞാറക്കാട്ടിൽ സുരേന്ദ്രന്‍റെ പശുക്കിടാവിനെ ആണ് കഴിഞ്ഞ ദിവസം രാത്രി എത്തിയ കടുവ കൊന്ന് പാതി ഭക്ഷിച്ചത്. ഇതിനെ തുടർന്ന് പശു തൊഴുത്തിൽ ക്യാമറ സ്ഥാപിച്ചു. കടുവ വീണ്ടും ഇവിടെ എത്തിയപ്പോൾ ആണ് ക്യാമറയിൽ കുടുങ്ങിയത്.

കടുവയുടെ ചിത്രങ്ങൾ വനം വകുപ്പിന്‍റെ ക്യാമറ ട്രാപ്പിലും ലഭിച്ചിരുന്നു. , കിടാവിന്‍റെ അവശിഷ്ടങ്ങൾ കഴിഞ്ഞ ദിവസം എത്തിയ കടുവ ഭക്ഷിച്ച്‌ മടങ്ങുകയായിരുന്നു. വനം വകുപ്പ് കടുവയുടെ പ്രായവും മറ്റു വിശദാംശങ്ങളും ശേഖരിച്ചുവരികയായിരുന്നു. സൗത്ത് വയനാട് ഡിഎഫ്ഒ, ചീഫ് വൈൽഡ് ലൈഫ് വാർഡന് പ്രദേശത്ത് കൂട് സ്ഥാപിക്കാൻ അനുമതി തേടി റിപ്പോർട്ട് നൽകിയിരുന്നു.