പതിനഞ്ചുകാരനെ സ്‌കൂളിൽ നിന്ന് കാണാതായിട്ട് ഒരാഴ്ച : കുട്ടിയെ കണ്ടെത്താനാകാതെ പോലീസ്

പതിനഞ്ചുകാരനെ തിരുവനന്തപുരത്ത് നിന്ന് കാണാതായിട്ട് ഇപ്പോൾ ഒരാഴ്ച കഴിഞ്ഞു. സ്കൂളിൽ നിന്ന് ഡിസംബര്‍ 20ന് ആണ് കുളത്തൂർ ടെക്നിക്കൽ സ്കൂളിലെ വിദ്യാർത്ഥിയായ ആദർശിനെ കാണാതായത്.

ആദർശ് നെയ്യാറ്റിൻകര അതിയന്നൂർ സ്വദേശികളായ സഞ്ജുവിന്റെയും ശ്രീജയുടെയും മകനാണ്. ആദർശിനെ കാണാതായത് കഴിഞ്ഞ ഇരുപതിന് ഉച്ചയോടെയാണ്. 20ന് രാവിലെ സ്‌കൂളിൽ എത്തിയ ആദർശിനെ ഉച്ചക്ക് ശേഷം ആരും കണ്ടിട്ടില്ല. പൊലീസിന് ലഭിച്ച വിവരം സഹപാഠികളുമായി ആദർശ് ഉച്ചയോടെ സ്കൂൾ കോബൗണ്ടിൽ വച്ച് വഴക്കുണ്ടാക്കിയെന്നാണ് .

ഇതിന് ശേഷം ആദർശ് മൊബൈൽ തല്ലിപൊട്ടിച്ച് അതിലുണ്ടായ സിം കാർഡ് ഉപേക്ഷിച്ച് സ്കൂളിൽ നിന്ന് പോയെന്നാണ് സഹപാഠികൾ പൊലീസിന് നൽകിയ മൊഴി.അതിന് ശേഷം കുട്ടിയെ ആരും കണ്ടിട്ടില്ല. സംഭവം ദിവസം ഉച്ചക്ക് ആദർശ് നടന്ന് പോകുന്ന സിസിടിവി ദൃശ്യങ്ങൾ മാത്രമാണ് ഇപ്പോൾ ലഭ്യമായ ഏക വിവരം. പൊലീസ് അന്വേഷണം ഊർജ്ജിതമല്ലെന്നാണ് മാതാപിതാക്കളുടെ പരാതി.