തമിഴ്‌നാട്ടിൽ നിന്നുള്ള രണ്ട് തീർത്ഥാടകർ പമ്പാ നദിയിൽ മുങ്ങി മരിച്ചു

ചെങ്ങന്നൂർ പാറക്കടവിൽ പമ്പാനദിയിൽ രണ്ട് യുവ തീർഥാടകർ മുങ്ങിമരിച്ചു. വൈകിട്ട് 5.30ഓടെയാണ് സംഭവം. ചെന്നൈ സ്വദേശികളായ സന്തോഷ് (19), അവിനാഷ് (21) എന്നിവരാണ് മരിച്ചത്. മലയോര ക്ഷേത്രത്തിൽ ദർശനം കഴിഞ്ഞ് വൈകീട്ട് കുളിക്കാനായി ഇറങ്ങിയതായിരുന്നു ഇവർ.

നിരവധി അപകടങ്ങൾ ഉണ്ടായിട്ടും അപകടസ്ഥലത്ത് സന്ദർശകർക്ക് അപകട മുന്നറിയിപ്പ് നൽകുന്ന ബോർഡ് നഗരസഭ സ്ഥാപിച്ചിട്ടില്ലെന്ന് നാട്ടുകാർ പറഞ്ഞു. സ്ഥലത്ത് മുന്നറിയിപ്പ് ബോർഡുകൾ സ്ഥാപിക്കണമെന്ന ആവശ്യം നേരത്തെ ഉയർന്നിരുന്നു.