ഹാർദിക് പാണ്ഡ്യ അഫ്ഗാനിസ്താനെതിരായ പരമ്പരയിൽ കളിക്കില്ല, ഐപിഎലിനു മുൻപ് ഫിറ്റ്നസ് വീണ്ടെടുക്കും

ഓൾറൗണ്ടർ ഹാർദിക് പാണ്ഡ്യക്ക് അഫ്ഗാനിസ്താനെതിരായ ടി-20 പരമ്പര നഷ്ടമാവും. ലോകകപ്പിനിടെ കണ്ണങ്കാലിനേറ്റ പരുക്കാണ് ഹാർദിക്കിനു തിരിച്ചടിയായത്. അടുത്ത വർഷം ജനുവരിയിലാണ് അഫ്ഗാനിസ്താനെതിരെ ഇന്ത്യൻ ടീം ടി-20 മത്സരങ്ങൾ കളിക്കുന്നത്. 2024 ഐപിഎലിനു മുന്നോടിയായി താരം ഫിറ്റ്നസ് വീണ്ടെടുക്കുമെന്നാണ് റിപ്പോർട്ട്.

വരുന്ന സീസണിൽ മുംബൈ ഇന്ത്യൻസിൻ്റെ ക്യാപ്റ്റനാണ് പാണ്ഡ്യ. ഗുജറാത്ത് ടൈറ്റൻസിൽ നിന്ന് ക്യാഷ് ഡീലിൽ മുംബൈയിലെത്തിയ പാണ്ഡ്യയെ രോഹിത് ശർമയ്ക്ക് പകരം ക്യാപ്റ്റനാക്കിയതിൽ രൂക്ഷ വിമർശനങ്ങളുയർന്നിരുന്നു.