ഹണി റോസ് കേന്ദ്ര കഥാപാത്രമായി എത്തുന്ന ‘റേച്ചല്‍’-ന്റെ ചിത്രീകരണം പൂര്‍ത്തിയായി

ഹണി റോസ് കേന്ദ്ര കഥാപാത്രമായി എത്തുന്ന ‘റേച്ചല്‍’ എന്ന ചിത്രത്തിന്റെ ചിത്രീകരണം നെല്ലിയാമ്ബതിയില്‍ വെച്ച് പൂര്‍ത്തിയായി. എബ്രിഡ് ഷൈൻ അവതരിപ്പിക്കുന്ന ചിത്രം സംവിധാനം ചെയ്യുന്നത് ആനന്ദിനി ബാലയാണ്.

ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് രാഹുല്‍ മണപ്പാട്ടും എബ്രിഡ് ഷൈനും ചേര്‍ന്നാണ്. ഹണി റോസിനെ കൂടാതെ കലാഭവൻ ഷാജോണ്‍, ബാബുരാജ്,റോഷൻ, ചന്തു സലിംകുമാര്‍, ദിനേശ് പ്രഭാകര്‍, ബൈജു എഴുപുന്ന, വന്ദിത, പൗളിവല്‍സണ്‍, രാധിക എന്നിവരും പ്രധാന കഥാപാത്രങ്ങളായി എത്തുന്നു.

അങ്കിത്ത് മേനോൻ സംഗീതം ഒരുക്കിയിരിക്കുന്ന ചിത്രത്തിന്റെ എഡിറ്റിംഗ് നിര്‍വഹിച്ചിരിക്കുന്നത് മനോജ് ആണ്.