യുഡിഎഫ് 16 സീറ്റിൽ മത്സരിക്കു൦, ലീഗ് മലപ്പുറത്തും പൊന്നാനിയിലും മത്സരിക്കും

തെരഞ്ഞെടുപ്പിൽ യുഡിഎഫ് 16 സീറ്റിൽ മത്സരിക്കുമെന്ന് പ്രതിപക്ഷ നേതാവ് വി ഡി സതീശൻ പറഞ്ഞു.ലീഗ് മലപ്പുറത്തും പൊന്നാനിയിലും മത്സരിക്കും.ലീഗിനെ മൂന്നാം സീറ്റിലെ ബുദ്ധി മുട്ട് അറിയിച്ചു. ലീഗിന് അടുത്ത രാജ്യസഭ സീറ്റ് നല്‍കും. കോൺഗ്രസിനായിരിക്കും അതിനു അടുത്ത് വരുന്ന രാജ്യ സഭ സീറ്റ്. അതാണ് ഫോർമുല.

കോൺഗ്രസ്സും ലീഗും രാജ്യസഭ സീറ്റ് റൊട്ടേഷൻ രീതിയിൽ പങ്കിടും. ലീഗ് ഫോര്‍മുല അംഗീകരിച്ചു. ഉടൻ കോൺഗ്രസ്സ് സീറ്റ് ചർച്ചകൾ തീരും.നാളെ സ്ക്രീനിങ് കമ്മിറ്റി ചേരുമെന്നും പ്രതിപക്ഷ നേതാവ് വ്യക്തമാക്കി. കോട്ടയത്ത് കേരള കോണ്‍ഗ്രസുംനും കൊല്ലത്ത് ആര്‍എസ്പിയും സ്ഥാനാര്‍ത്ഥിയെ പ്രഖ്യാപിച്ചിട്ടുണ്ട്. സിറ്റിങ്എംപിമാർ പൊന്നാനിയിലും മലപ്പുറത്തും മത്സരിക്കുക എന്നതായിരുന്നു ലീഗിലെ നേരത്തെ ധാരണ എങ്കിലും രാജ്യസഭ സീറ്റ് ലഭിക്കുമെന്ന് ഉറപ്പ് കിട്ടിയതിനാല്‍ പുതുമുഖത്തെ ഇറക്കണോയെന്നതാണ് നിലവിലെ ആലോചന.