ശോഭന തിരുവനന്തപുരത്ത് മത്സരിക്കില്ലെന്ന് ഫോണിലൂടെ അറിയിച്ചു : ശശി തരൂർ

ബിജെപിക്ക് തിരുവനന്തപുരം ലോക്സഭ സീറ്റില്‍ നിരവധി പേരുകൾ ഉയരുന്നത് നിരാശയിൽ നിന്നെന്ന് ശശി തരൂര്‍ എംപി പറഞ്ഞു.ശോഭന തിരുവനന്തപുരത്ത് മത്സരിക്കില്ലന്ന് തന്നെ ഫോണിൽ വിളിച്ചറിയിച്ചെന്നും ശോഭന തൻറെ സുഹൃത്താണെന്നും അദ്ദേഹം പറഞ്ഞു.

എതിരാളികളെ തിരുവനന്തപുരത്ത് വിലകുറച്ച് കാണുന്നില്ല. കേരളത്തിൽ ബിജെപിയുടെ വിദ്വേഷ രാഷ്ട്രീയം വിലപ്പോവില്ലെന്നും അദ്ദേഹം പറഞ്ഞു. ഇതുവരെ അന്തിമ തീരുമാന൦ കേരളത്തിലെ ലോക്സഭ സീറ്റുകളിലെ ബിജെപി സ്ഥാനാര്‍ത്ഥികളെക്കുറിച്ച് ആയിട്ടില്ല. നിരവധി പേരുകള്‍ ബിജെപി ഏറെ പ്രതീക്ഷ വച്ചു പുലര്‍ത്തുന്ന തിരുവനന്തപുരം സീറ്റിലേക്ക് ഉയര്‍ന്നുവരുന്നുണ്ട്. നടി ശോഭനയുടെ പേരും കേന്ദ്രമന്ത്രി രാജീവ് ചന്ദ്രശേഖറിന്‍റെ പേരും പരിഗണനയിലുണ്ടെന്ന് റിപ്പോര്‍ട്ടുകളുണ്ട്. ഇതിനോടാണ് ശശി തരൂരിന്‍റെ പ്രതികരണം