മൂന്നാറിൽ ആനയുടെ ആക്രമണത്തിൽ ഓട്ടോ ഡ്രൈവർ മരിച്ചു

മൂന്നാറിലെ കന്നിമല എസ്റ്റേറ്റിൽ തിങ്കളാഴ്ച വൈകിട്ട് കാട്ടാനയുടെ ആക്രമണത്തിൽ ഓട്ടോ ഡ്രൈവർ മരിച്ചു.റിപ്പോർട്ടു പ്രകാരം മരിച്ചത് സുരേഷ് കുമാർ (മണി) ആണ് . ആന ആക്രമിക്കുമ്പോൾ ഒരു പെൺകുട്ടിയുൾപ്പെടെ നാല് പേർ ഓട്ടോയിൽ ഉണ്ടായിരുന്നു. കാട്ടാനയായ പടയപ്പയാണ് ഓട്ടോയെ ആക്രമിച്ചതെന്ന് സംശയിക്കുന്നതായി മൂന്നാർ പഞ്ചായത്ത് പ്രസിഡൻ്റ് ജോതി സതീഷ്കുമാർ പറഞ്ഞു.

യാത്രക്കാരായ യെസകി രാജ്, ഭാര്യ രചന, ഇവരുടെ 12 വയസ്സുകാരി കുട്ടിപ്രിയ എന്നിവർക്ക് പരിക്കേറ്റു. കുട്ടിപ്രിയയുടെ സ്കൂൾ വാർഷികത്തിൽ പങ്കെടുത്ത് വീട്ടിലേക്ക് മടങ്ങുകയായിരുന്നു കുടുംബം.
കാട്ടാനയുടെ ആക്രമണത്തിനിരയായ ഓട്ടോയുടെ അടിയിൽ മണി കുടുങ്ങിയതായാണ് വിവരം. കന്നിമല എസ്റ്റേറ്റിലെ ടോപ് സ്റ്റേഷന് സമീപമാണ് സംഭവം. മണിയ്ക്ക് ഭാര്യയും രണ്ട് കുട്ടികളുമുണ്ട്. കഴിഞ്ഞ മാസം മൂന്നാറിലെ തെന്മലയിൽ ഒരു ചടങ്ങിൽ പങ്കെടുക്കാനെത്തിയ കോയമ്പത്തൂർ സ്വദേശിയായ 79കാരനെ കാട്ടാന ചവിട്ടിക്കൊന്നിരുന്നു.