സാമ്പത്തിക ബാധ്യതയെ തുടർന്ന് ഇടക്കൊച്ചിയിൽ ദമ്പതികൾ ആത്മഹത്യ ചെയ്തു

സാമ്പത്തിക ബാധ്യതയെ തുടർന്ന് ഇടക്കൊച്ചിയിൽ ദമ്പതികൾ ആത്മഹത്യ ചെയ്ത നിലയിൽ കണ്ടെത്തി. കോയമ്പത്തൂർ പാലമുട്ടം റോഡിൽ ആൻ്റണി (64), ഭാര്യ സലോമി (59) എന്നിവർ മുറിക്കുള്ളിൽ തൂങ്ങിമരിച്ചു. ഇന്നലെ രാവിലെ വീട്ടിലെത്തിയവർ ഇരുവരെയും വിളിച്ചെങ്കിലും വാതിൽ തുറക്കാത്തതിനെ തുടർന്ന് ഇരുനില വീടിനു മുകളിൽ താമസിക്കുന്ന മകൻ ആൻസണെ വിവരം അറിയിച്ചു. ജനൽ തുറന്നപ്പോൾ ഇരുവരെയും രണ്ട് മുറികളിൽ തൂങ്ങിമരിച്ച നിലയിൽ കണ്ടെത്തി. ആൻ്റണിയും സലോമിയും കടുത്ത സാമ്പത്തിക പ്രതിസന്ധിയിലായിരുന്നു. സ്വന്തമായി വീടുണ്ടെങ്കിലും ബാങ്കിൽ പണയപ്പെടുത്തിയിരിക്കുകയാണ്. ആദ്യ ഭാര്യ മരിച്ചതിനെ തുടർന്നാണ് ആൻ്റണി സലോമിയെ വിവാഹം കഴിച്ചത്. സലോമിക്ക് കുട്ടികളില്ല. ദമ്പതികൾ മാത്രമാണ് വീട്ടിൽ താമസിച്ചിരുന്നത്. ആശാരിയായിരുന്നു ആൻ്റണി. അസുഖബാധിതനായതിനാൽ ആൻ്റണി പലയിടത്തുനിന്നും പണം കടം വാങ്ങി. മക്കൾ: ആൻസൻ, റെക്സൺ. മരുമക്കൾ: സിൻഡ്രെല്ല, ആതിര.