മൈ ഭാരത് വികസിത ഭാരത് : സംസ്ഥാനതല പ്രസംഗ മത്സരം നടന്നു

മൈ ഭാരത് വികസിത ഭാരത് @2047 എന്ന വിഷയത്തില്‍ കൊച്ചി ഗവ. യൂത്ത് ഹോസ്റ്റലിൽ
സംസ്ഥാനതല പ്രസംഗ മത്സരം നടന്നു. ജില്ലാ പഞ്ചായത്ത് പ്രസിഡന്റ് മനോജ് മൂത്തേടന്‍ ഉദ്ഘാടനംചെയ്തു. അസ്സിസ്റ്റന്റ് കളക്ടര്‍ നിഷാന്ത് സിഹാര മുഖ്യാതിഥിയായി. നെഹ്റു യുവ കേന്ദ്ര സ്റ്റേറ്റ് ഡയറക്ടര്‍ എം. അനില്‍കുമാര്‍ അധ്യക്ഷത വഹിച്ചു.

കേരളത്തിലെ 14 ജില്ലകളിലെയും മാഹി, ലക്ഷദ്വീപ് എന്നിവിടങ്ങളിലെയും ജില്ലാതല വിജയികളാണ് മത്സരത്തില്‍ പങ്കെടുത്തത്. മത്സരത്തില്‍ കൊല്ലം ജില്ലയില്‍ നിന്നുള്ള ആനന്ദ് വിജയന്‍ ഒന്നാം സ്ഥാനവും, തിരുവനന്തപുരത്തു നിന്നുള്ള അനുഷ രണ്ടാം സ്ഥാനവും നേടി. പത്തനംതിട്ടയില്‍ നിന്നുള്ള സിദ്ധി ജെ നായര്‍, കണ്ണൂരില്‍ നിന്നുള്ള സോബിന്‍ തോമസ് എന്നിവർ മൂന്നാം സ്ഥാനം പങ്കിടുകയും ചെയ്തു.