കരുവന്നൂർ പാലത്തിൽ നിന്ന് പുഴയിൽ ചാടി യുവതി ആത്മഹത്യ ചെയ്തു

കരുവന്നൂർ: കരുവന്നൂർ പാലത്തിൽ നിന്ന് പുഴയിൽ ചാടി യുവതി ആത്മഹത്യ ചെയ്തു. അവിട്ടത്തൂർ കൂടാളി വീട്ടിൽ ഷീബ ജോയി(50)യാണ് മരിച്ചത്. ചൊവ്വാഴ്ച ഉച്ചയോടെയാണ് സംഭവം. ഷൂസും ബാഗും മൊബൈൽ ഫോണും പാലത്തിൽ ഉപേക്ഷിച്ച ശേഷം യുവതി പാലത്തിൽ നിന്ന് നദിയിലേക്ക് ചാടുകയായിരുന്നു.

ഇരിങ്ങാലക്കുട, ചേർപ്പ് പോലീസ് സ്ഥലത്തെത്തി. ഇരിങ്ങാലക്കുട ഫയർഫോഴ്‌സും സ്‌കൂബ ടീമും ചേർന്ന് ഏറെ നേരം നീണ്ട തിരച്ചിലിനൊടുവിൽ ഉച്ചകഴിഞ്ഞ് 3.30 ഓടെയാണ് മൃതദേഹം കണ്ടെത്തിയത്. ഏതാനും ആഴ്ചകൾക്ക് മുമ്പ് മറ്റൊരു സ്ത്രീയും ഇതേ സ്ഥലത്ത് പുഴയിൽ ചാടി ആത്മഹത്യ ചെയ്തിരുന്നു. അടുത്ത ദിവസം ഒരു യുവാവിൻ്റെ മൃതദേഹവും നദിയിൽ നിന്ന് കണ്ടെടുത്തു. ഏതാനും മാസങ്ങൾക്ക് മുമ്പ് സമാനമായ രീതിയിൽ ഒരു യുവാവും വിദ്യാർത്ഥിയും പുഴയിൽ ചാടി ആത്മഹത്യ ചെയ്തിരുന്നു. കരുവന്നൂർ പാലത്തിൽ ആത്മഹത്യകൾ നിത്യസംഭവമായതിനാൽ പാലത്തിന് മുകളിൽ ഇരുമ്പ് വലകൾ സ്ഥാപിച്ച് സുരക്ഷയൊരുക്കണമെന്നും രക്ഷാപ്രവർത്തനത്തിന് വായു നിറച്ച ട്യൂബുകൾ പാലത്തിന് സമീപം സ്ഥാപിക്കണമെന്നും പ്രദേശവാസികൾ ആവശ്യപ്പെട്ടു.