ഇരുപത് ദിവസം പഴക്കമുള്ള മൃതദേഹം നായ്ക്കൾ കടിച്ചുകീറിയ നിലയിൽ കണ്ടെത്തി

ഇരുപത് ദിവസം പഴക്കമുള്ള മൃതദേഹം നായ്ക്കൾ കടിച്ചുകീറിയ നിലയിൽ കണ്ടെത്തി. തിരുവനന്തപുരം വർക്കല ചാവർകോഡിലാണ് സംഭവം. മൃതദേഹം ചാവർകോട് സ്വദേശി അജിത് ദേവദാസിൻ്റെതാണെന്ന് സ്ഥിരീകരിച്ചു.ശരീരത്തിൻ്റെ പകുതിഭാഗം നായ്ക്കൾ തിന്നുതീർത്തു.

ആളൊഴിഞ്ഞ വളപ്പിലെ കശുമാവിന് ചുവട്ടിലാണ് മൃതദേഹം കണ്ടെത്തിയത്. ഇന്നലെ രാത്രി പ്രദേശത്ത് ദുർഗന്ധം വമിച്ചതിനെ തുടർന്ന് നാട്ടുകാർ നടത്തിയ തിരച്ചിലിലാണ് മൃതദേഹം കണ്ടെത്തിയത്.അജിത്തിന് കുടുംബപ്രശ്നങ്ങളുണ്ടായിരുന്നതായി നാട്ടുകാർ പറഞ്ഞു. തന്നെ ശല്യപ്പെടുത്തിയെന്ന് ഭാര്യ നേരത്തെ പാരിപ്പള്ളി പോലീസിൽ പരാതി നൽകിയിരുന്നു. ഫോറൻസിക് സംഘം സ്ഥലത്തെത്തി അന്വേഷണം പൂർത്തിയാക്കി. മൃതദേഹം പാരിപ്പള്ളി മെഡിക്കൽ കോളേജ് ആശുപത്രിയിലേക്ക് മാറ്റി.