പിഡിപി ചെയർമാൻ അബ്ദുൾ നാസർ മദനിയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു

പിഡിപി ചെയർമാൻ അബ്ദുൾ നാസർ മദനിയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിലാണ് (ഐസിയു). അദ്ദേഹത്തിൻ്റെ അസുഖത്തെ കുറിച്ച് റിപ്പോർട്ടുകളൊന്നുമില്ല. ബെംഗളൂരു സ്‌ഫോടനക്കേസിൽ സോപാധിക ജാമ്യത്തിലായിരുന്ന മദനി കഴിഞ്ഞ ജൂലൈയിലാണ് കേരളത്തിലെത്തിയത്.

ബംഗളൂരു വിട്ടുപോകരുതെന്ന് ആദ്യം ജാമ്യ വ്യവസ്ഥയുണ്ടായിരുന്നു. അസുഖബാധിതനായ പിതാവിനെ കാണാൻ മഅ്ദനിക്ക് കേരളത്തിലെത്താൻ കഴിഞ്ഞ ഏപ്രിലിൽ സുപ്രീം കോടതി അനുമതി നൽകിയിരുന്നു. എന്നാൽ, പോലീസ് നടപടിക്രമങ്ങൾ കാരണം അദ്ദേഹത്തിൻ്റെ സന്ദർശനം വൈകി. ജൂൺ 26ന് കൊച്ചിയിലെത്തിയ അദ്ദേഹത്തെ ആരോഗ്യപ്രശ്‌നങ്ങളെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു. സുപ്രീം കോടതി അനുവദിച്ച സമയം അവസാനിച്ചതോടെ അച്ഛനെ കാണാതെ മടങ്ങേണ്ടി വന്നു. ചികിത്സയ്ക്കായി ജാമ്യം തേടി സുപ്രീം കോടതിയെ സമീപിച്ചപ്പോൾ, ജന്മനാട്ടിൽ സ്ഥിരമായി തങ്ങാൻ കോടതി അനുമതി നൽകി.

2008ൽ ബംഗളൂരുവിൽ സ്‌ഫോടനം നടന്നതിന് പിന്നാലെയാണ് കർണാടക പോലീസ് മദനിയെ അറസ്റ്റ് ചെയ്തത്. വിചാരണത്തടവുകാരനായിരിക്കെ സുപ്രീം കോടതിയുടെ പ്രത്യേക അനുമതിയോടെ മദനി പലതവണ നാട്ടിലെത്തിയിരുന്നു. അന്ന് കർണാടക പോലീസിൻ്റെ പ്രത്യേക ഗാർഡും ഒപ്പമുണ്ടായിരുന്നു.