ഷാരൂഖോ സല്‍മാനോ രജനിയോ വിജയിയോ ദീപികയോ അല്ല: ഇവര്‍ക്ക് ആര്‍ക്കും കിട്ടാത്ത നേട്ടം നേടി ഇന്ത്യന്‍ താരം.!

സാം ബഹാദൂർ, ഡങ്കി എന്നീ ചിത്രങ്ങളിലൂടെ തിളങ്ങി നില്‍ക്കുന്ന ബോളിവുഡ് താരം വിക്കി കൗശലാണ് ആ താരം. സോഷ്യൽ മീഡിയ ഭീമനായ ഇൻസ്റ്റാഗ്രാം പിന്തുടരുന്ന ആദ്യ ബോളിവുഡ് നടനായി മാറിയിരിക്കുകയാണ് വിക്കി കൗശൽ. ഞായറാഴ്ചയാണ് ഇത്തരത്തില്‍ വാർത്ത പ്രത്യക്ഷപ്പെട്ടത്.

ഇന്‍സ്റ്റഗ്രാമില്‍ ഏറ്റവും കൂടുതൽ പിന്തുടരുന്ന അക്കൗണ്ടാണ്  665 ദശലക്ഷത്തിലധികം ഫോളോവേഴ്‌സുള്ള ഇൻസ്റ്റാഗ്രാം പേജ്. എന്നാൽ ഈ പേജ് 81 അക്കൗണ്ടുകൾ മാത്രമാണ് ഫോളോ ചെയ്യുന്നത്. അവയിലൊന്ന് ഇപ്പോൾ വിക്കി കൗശലിന്റെതാണ്. ഇതൊരു വലിയ കാര്യമായാണ് ബോളിവുഡില്‍ അവതരിപ്പിക്കപ്പെട്ടത്.

വൈറൽ ഭയാനി എന്ന പാപ്പരാസി ഇൻസ്റ്റാഗ്രാം അക്കൗണ്ടിലാണ് ഈ വാർത്ത ആദ്യം വന്നത്. പിന്നാലെ നെറ്റിസൺസ് അതേക്കുറിച്ചുള്ള അവരുടെ കമന്‍റുകള്‍ ഈ പോസ്റ്റിന് അടിയില്‍ ഇട്ടിരിക്കുകയാണ്. പലരും ഈ നേട്ടത്തിന് വിക്കിയെ അനുമോദിക്കുകയാണ്. 16.7 മില്ല്യണ്‍ ഫോളോവേര്‍സാണ് വിക്കിക്ക് ഇന്‍സ്റ്റഗ്രാമില്‍ ഉള്ളത്.