പ്രതിവർഷം വിൽക്കുക ഒരു കോടി ഈ കാറുകൾ, അഞ്ചുകോടി ആളുകൾക്ക് ജോലി! അതിശയിപ്പിച്ച് നിതിൻ ഗഡ്‍കരി!

ലോകത്തെ ഒന്നാം നമ്പർ ഇവി നിർമ്മാതാക്കളാകാൻ ഇന്ത്യക്ക് കഴിയുമെന്ന് അദ്ദേഹം ഊന്നിപ്പറഞ്ഞു. ശുദ്ധമായ ഊർജ ഉൽപ്പാദനത്തിലും വലിയ തോതിലുള്ള പ്രയോഗത്തിലും ഇന്ത്യയെ സ്വയംപര്യാപ്‍ത രാജ്യമാക്കാൻ സർക്കാർ പ്രതിജ്ഞാബദ്ധമാണ്. നിലവിലുള്ള മലിനീകരണ വാഹനങ്ങൾ ഹൈബ്രിഡ്, സമ്പൂർണ ഇവികളാക്കി മാറ്റാനും സർക്കാർ അനുവദിച്ചിട്ടുണ്ടെന്ന് നിതിൻ ഗഡ്കരി പറഞ്ഞു. നിയമങ്ങൾ അന്തിമമാക്കിയതായും സാങ്കേതികവിദ്യ വിജയകരമായി പ്രദർശിപ്പിച്ചതായും അദ്ദേഹം പറഞ്ഞു. പൊതുഗതാഗതവും ലോജിസ്റ്റിക്സും ഇവികളിലേക്ക് മാറ്റാനാണ് സർക്കാർ ഉദ്ദേശിക്കുന്നതെന്നും അദ്ദേഹം പറഞ്ഞു.