മലൈക്കോട്ടൈ വാലിബന് ശേഷം മോഹൻലാലും ലിജോയും  ഒന്നിക്കുന്നതായി റിപ്പോർട്ട് 

പ്രശസ്ത സംവിധായകൻ ലിജോ ജോസ് പെല്ലിശ്ശേരി സംവിധാനം ചെയ്യുന്ന മോഹൻലാൽ ചിത്രം മലൈക്കോട്ടൈ വാലിബൻ ജനുവരി 25 ന് തിയറ്ററുകളിൽ എത്താനിരിക്കെ, ചിത്രത്തിന് രണ്ട് ഭാഗങ്ങൾ ഉണ്ടാകുമെന്നാണ് അറിയുന്നത്.

മലൈക്കോട്ടൈ വാലിബൻ ഒരൊറ്റ സിനിമയായിരിക്കില്ല, അതിന്റെ കഥ രണ്ട് ഭാഗങ്ങളായാണ് പറയുക എന്നാണ് അണിയറ വൃത്തങ്ങൾ പറയുന്നത്. സംവിധായകൻ ജോഷിയ്‌ക്കൊപ്പമുള്ള റമ്പാൻ എന്ന ചിത്രത്തിന്റെ ഷൂട്ടിംഗ് താരം പൂർത്തിയാക്കിയ ഉടൻ തന്നെ ലിജോ ജോസ് പെല്ലിശ്ശേരി മോഹൻലാലുമായി വീണ്ടും ഒന്നിക്കുമെന്നും  റിപ്പോട്ട് ഉണ്ട് .

മോഹൻലാലിന്റെ കരിയറിലെ ഏറ്റവും വലിയ പ്രോജക്ടുകളിൽ ഒന്നാണ് മലൈക്കോട്ടൈ വാലിബൻ. ലിജോയുമായുള്ള തന്റെ ആദ്യ സഹകരണമാണിത്. ചിത്രത്തിൽ മോഹൻലാൽ സ്വാതന്ത്ര്യത്തിന് മുമ്പുള്ള ഗുസ്തിക്കാരന്റെ വേഷത്തിലാണ് എത്തുന്നത് എന്നാണ് റിപ്പോർട്ടുകൾ.

മോഹൻലാലിനെ കൂടാതെ സൊനാലി കുൽക്കർണി, ഹരീഷ് പേരടി, മനോജ് മോസസ്, കഥ നന്ദി, ഡാനിഷ് സെയ്ത്, മണികണ്ഠൻ ആചാരി എന്നിവരും മലൈക്കോട്ടൈ വാലിബനിൽ അഭിനയിക്കുന്നു.

പി എസ് റഫീഖിനൊപ്പം ലിജോയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. മലൈക്കോട്ടൈ വാലിബനിൽ, ലിജോ തന്റെ മുൻ ചിത്രമായ ചുരുളിയുടെ ഛായാഗ്രാഹകനും എഡിറ്ററുമായ ചുരുളി, മധു നീലകണ്ഠൻ, ദീപു ജോസഫ് എന്നിവരുമായി വീണ്ടും ഒന്നിക്കുന്നു. പ്രശാന്ത് പിള്ളയാണ് ചിത്രത്തിന് സംഗീതം നൽകിയിരിക്കുന്നത്.