സൗദി-ഇന്ത്യ ഫെസ്റ്റിവലിന് 19ന് ജിദ്ദയിൽ തുടക്കം;5,000 വര്‍ഷത്തെ അറബ്-ഇന്ത്യാ ചരിത്രം അനാവരണം ചെയ്യും

5കെ കാമറാഡറീസ്(അഞ്ച് സഹസ്രാബ്ദത്തെ ഉറ്റ സൗഹൃദപ്പെരുമ) എന്ന തലക്കെട്ടിൽ അഞ്ച് സഹസ്രാബ്ദങ്ങളിലേക്ക് നീളുന്ന അറബ് ഇന്ത്യാ സൗഹൃദപ്പെരുമയും തന്ത്രപ്രധാന പങ്കാളിത്തവും അടയാളപ്പെടുത്തുന്നതാണ് സൗദി ഇന്ത്യാ സാംസ്‌കാരികോത്സവം. സൗദിയുടെയും ഇന്ത്യൻ സംസ്‌കാരങ്ങളുടെയും സമ്പന്നമായ പൈതൃകവും സമകാലിക പുതുമകളും പ്രദർശിപ്പിക്കുന്ന സംഗീതം, നൃത്തം, കല, പാചകരീതി എന്നിങ്ങനെ വിവിധ പരിപാടികളും ഉണ്ടാകും. സൗദി ഇന്ത്യ സൗഹൃദബന്ധം കൂടുതല്‍ കരുത്തുറ്റതാക്കുന്നതില്‍ സുപ്രധാന നാഴികക്കല്ലായിരിക്കും ഫെസ്റ്റിവലെന്നും ഇത് വന്‍വിജയമാക്കാൻ എല്ലാവരുടെയും സഹകരണം ഉണ്ടായിരിക്കണമെന്നും കോണ്‍സല്‍ ജനറല്‍ ഷാഹിദ് ആലം പറഞ്ഞു.