വിജയ് സേതുപതിയുടെ ബോളിവുഡ് ചിത്രം മെറി ക്രിസ്‌മസ് : ട്രെയ്‌ലർ കാണാം

വിജയ് സേതുപതിയും കത്രീന കൈഫും ഒന്നിക്കുന്ന മെറി ക്രിസ്‌മസിന്റെ ട്രെയ്‌ലര്‍ റിലീസ് ചെയ്തു. 2023 ഡിസംബര്‍ 8 ന് തിയേറ്ററുകളില്‍ എത്തുമെന്ന് നേരത്തെ പ്രഖ്യാപിച്ചിരുന്ന ശ്രീറാം രാഘവൻ സംവിധാനം ചെയ്ത ചിത്രം ഇപ്പോള്‍ 2024 ജനുവരി 12 ന് റിലീസ് ചെയ്യും.

ചിത്രത്തിന്റെ പ്രൊഡക്ഷൻ ഹൗസായ ടിപ്‌സ് ഫിലിംസ് ഇൻസ്റ്റഗ്രാമിലൂടെയാണ് പ്രഖ്യാപനം നടത്തിയത്. ചിത്രത്തിന്റെ നിര്‍മ്മാതാക്കള്‍ ഒരു ഔദ്യോഗിക പ്രസ്താവനയില്‍ പറയുന്നു, “എല്ലാ ചലച്ചിത്ര നിര്‍മ്മാതാക്കളെയും പോലെ ഒരുപാട് സ്നേഹത്തോടെയും അഭിനിവേശത്തോടെയുമാണ് ഞങ്ങള്‍ ഈ സിനിമ നിര്‍മ്മിച്ചിരിക്കുന്നത്. എന്നിരുന്നാലും, ബാക്ക്-ടു-ബാക്ക് മൂവി റിലീസുകളും 2023-ലെ അവസാന രണ്ട് മാസങ്ങളും പാക്ക് ചെയ്തതോടെ ഞങ്ങള്‍ ഈ സിനിമ 2024 ജനുവരി 12ന് ഞങ്ങളുടെ സിനിമ തിയേറ്ററുകളില്‍ എത്തിക്കാനാണ് തീരുമാനം.

ഡിസംബര്‍ 1 ന് രണ്‍ബീര്‍ കപൂര്‍ നായകനായ അനിമലും വിക്കി കൗശലിന്റെ സാം ബഹദൂറും ഏറ്റുമുട്ടുന്നതിനാല്‍ ഡിസംബര്‍ മാസം റിലീസുകളാല്‍ നിറഞ്ഞിരിക്കുന്നു. നെറ്റ്ഫ്ലിക്സ് റിലീസ് ആണെങ്കിലും, സോയ അക്തറിന്റെ ദി ആര്‍ച്ചീസ് ഡിസംബര്‍ 7 ന് റിലീസ് ചെയ്യും. ഷാരൂഖ് ഖാന്റെ ഡങ്കിയും ഡിസംബര്‍ 22. റിലീസ് ചെയ്യാൻ തീരുമാനിച്ചിരിക്കുന്നു.

തമിഴ്, ഹിന്ദി എന്നീ രണ്ട് ഭാഷകളിലായാണ് മെറി ക്രിസ്മസ് ചിത്രീകരിച്ചിരിക്കുന്നത്. ഹിന്ദി പതിപ്പില്‍ സഞ്ജയ് കപൂര്‍, വിനയ് പഥക്, പ്രതിമ കണ്ണൻ, ടിന്നു ആനന്ദ് എന്നിവര്‍ സഹതാരങ്ങള്‍, തമിഴ് പതിപ്പില്‍ രാധിക ശരത്കുമാര്‍, ഷണ്‍മുഖരാജ, കെവിൻ ജയ് ബാബു, രാജേഷ് വില്യംസ് എന്നിവരും ഒരേ വേഷങ്ങളില്‍ അഭിനയിക്കുന്നു. അശ്വിനി കല്‍സേക്കര്‍, രാധിക ആപ്‌തെ എന്നിവരും അതിഥി വേഷങ്ങളില്‍ എത്തുന്നുണ്ട്. പരി എന്ന ബാലതാരത്തെയും സിനിമ പരിചയപ്പെടുത്തും.