അക്ഷയ് കുമാര്‍ നായകനായ ‘ഹൗസ്‍ഫുള്‍ 5 ‘; ചിത്രത്തിന്റെ ഒടിടി അപ്‍ഡേറ്റ്

4 hours ago

അക്ഷയ് കുമാര്‍ നായകനായ ‘ഹൗസ്‍ഫുള്‍ 5 ‘; ചിത്രത്തിന്റെ ഒടിടി അപ്‍ഡേറ്റ്

അക്ഷയ് കുമാര്‍ നായകനായി വന്ന ഹൗസ്‍ഫുള്‍ 5 മികച്ച പ്രതികരണമാണ് നേടുന്നത്. അക്ഷയ് കുമാര്‍ നായകനായ ഹൗസ്‍ഫുള്‍ 5 നടന് നിര്‍ണായകവുമായിരുന്നു. മൂന്ന് ദിവസത്തിനുള്ളില്‍ ചിത്രം 87 കോടി രൂപയുടെ നെറ്റ് കളക്ഷനാണ് ഇന്ത്യയില്‍ നേടിയത് എന്നാണ് ട്രേഡ് അനലിസ്റ്റുകളായി സാക്നില്‍ക്ക് റിപ്പോര്‍ട്ട് ചെയ്യുന്നത് (ഒന്നാം ദിവസം ഇന്ത്യയില്‍ നേടിയത് 24 കോടിയും രണ്ടാം ദിവസം 31 കോടിയും മൂന്നാം ദിവസം 32 കോടി നെറ്റ് കളക്ഷനുമാണ് നേടിയത്). ആമസോണ്‍ പ്രൈം വീഡിയോ ചിത്രത്തിന്റെ ഒടിടി റൈറ്റ്‍സ് സ്വന്തമാക്കി എന്നാണ് പുതിയ റിപ്പോര്‍ട്ട്.

ബോളിവുഡിലെ ഏറ്റവും വലിയ കോമഡി ഫ്രാഞ്ചൈസികളില്‍ ഒന്നാണ് ഹൗസ്‍ഫുള്‍. തമാശ, ആശയ കുഴപ്പങ്ങൾ, നിഗൂഢത എന്നിവയെല്ലാം നിലനിര്‍ത്തുന്ന ഈ ഫ്രാഞ്ചെസിയിലെ അഞ്ചാം ചിത്രമാണ് ഹൗസ്ഫുൾ 5. സാജിദ് നദിയാദ്‌വാല നിർമ്മിച്ച് തരുൺ മൻസുഖാനി സംവിധാനം ചെയ്‍ത ഈ ചിത്രം, ഹൗസ്‍ഫുൾ ചിത്രങ്ങളെ ഹിറ്റാക്കിയ എല്ലാ ഫോര്‍മുലയും ചേര്‍ത്താണ് ഒരുക്കിയത്. ജാക്വലിൻ ഫെർണാണ്ടസ്, സോനം ബജ്‌വ, നർഗീസ് ഫക്രി, സഞ്ജയ് ദത്ത്, ജാക്കി ഷ്രോഫ്, നാനാ പടേക്കർ, ചിത്രാംഗദ സിംഗ്, ഫർദീൻ ഖാൻ, ചങ്കി പാണ്ഡെ, ജോണി ലിവർ, ശ്രേയസ് തൽപാഡെ, ഡിനോ മോറിയ, രഞ്ജിത്, സൗന്ദര്യ ശർമ്മ, നികിതിൻ ധീർ, ആകാശ്ദീപ് സാബിർ എന്നിങ്ങനെ വന്‍ താരനിരയാണ് ചിത്രത്തില്‍ എത്തിയിരിക്കുന്നത്.