ട്രംപിനെ കാണാൻ മുകേഷ് അംബാനി ഖത്തറിൽ

അമേരിക്കൻ പ്രസിഡന്റ് ഡൊണാൾഡ് ട്രംപുമായി ഇന്ത്യൻ വ്യവസായി മുകേഷ് അംബാനി കൂടിക്കാഴ്ച നടത്തി. ചർച്ചയുടെ വിവരങ്ങൾ നിലവിൽ പുറത്തുവിട്ടിട്ടില്ല. എന്നാൽ, നിർണായകമായ കൂടിക്കാഴ്ച ആണിതെന്നാണ് അടുത്ത വൃത്തങ്ങൾ അറിയിക്കുന്നത്. മിഡിൽ ഈസ്റ്റ് സന്ദർശനത്തിനായി ഖത്തറിലെത്തിയ ട്രംപിനെ ഖത്തർ അമീറിന്റെ ലുസൈൽ പാലസിൽ എത്തിയാണ് അംബാനി കണ്ടത്. ഖത്തറിൽ ഒരുക്കിയ ഔദ്യോ​ഗിക വിരുന്നിൽ പങ്കെടുക്കുകയും ചെയ്തു. കൂടിക്കാഴ്ച സംബന്ധിച്ച കൂടുതൽ വിവരങ്ങൾ പുറത്തുവിട്ടിട്ടില്ല.